Tərkibi
Ağ biskivit üçün
4 ədəd yumurta
180 qr şəkər tozu
100 qr un
1 x/q nişasta
1 x/q bitki yağı
1 x/q qabartma tozu
1 paket vanilli şəkər
Kakaolu biskivit üçün
4 ədəd yumurta
200 qr şəkər tozu
80 qr un
1-2 x/q kakao
1 x/q nişasta
Krem
450 qr qaymaq 30-33%
300 qr kəsmikli pendir
180 200 qr qatılaşdırılmış süd
Bəzək üçün
Konservləşdirilmiş şaftalı və ya ərik
150 qr çiyələk
2-3 ədəd kivi
10 qr jelatin ( aqar )
Badam
Hazırlanması
Yumurta sarısı şəkər tozunun yarısı ilə çalınır. Üzərinə un, nişasta, qabartma tozu, vanilli şəkər əlavə edib qarışdırılır.
Bitki yağı əlavə edilib yenidən qarışdırılır. Yumurta ağı yerdə qalan şəkər tozu ilə çalınaraq, ehmalca qarışığa əlvə edilib qarışdırılıb yağlanmış formaya əlavə edilib, hazır olana qədər sobada bişirilir.
Kakaolu biskivitdə eyni qayda ilə hazırlanıb bişirilir
Kremi hazırlamaq üçün əvvəlcə kəsmikli pendirlə qatılaşdırılmış süd çalınır ( istəyə görə şəkər tozu da əlavə etmək olar )
Qaymaq çalınır
Çalınmış qaymağı az-az ehmalca kəsmikli kremə əlavə edərək çalınır
Ağ biskivit iki hissəyə bölünür, biri kremlənilir
Kakaolu biskivit iki barmaq enliyində dairə şəklində doğranılır, kremlənmiş biskivitin üzərinə qoyularaq bolluca kremlənilir
Şəkildə gördüyünüz kimi araları bolluca kremlənib yığılır
Üzərinə krem yayılıb, yerdə qalan biskivit üzərinə qoyulur
Tort hərtərəfli kremlənilir və 1-2 saat soyuducuda saxlanılır
Tortun qıraqlarına nazik doğranmış kivi dilimləri düzülür
Tortun qıraqlarında boş qalan yerlərə xırdalanmış badam səpilir
Tortun üzərinə konserivləşdirilmiş şaftalı süzülüb, dəsmal üzərinə düzülür. Suyu tam çəkildikdən sonra,
çiyələk dilimləri ilə birlikdə zövqünüzə uyğun bəzəyə bilərsiniz.
Konservləşdirilmiş şaftalı suyunu jelatin və ya aqatla hazırlayıb totun üzərindəki meyvələrin üzərinə çay qaşığı ilə ehmalca əlavə edilir.
Kivinin üzərinə fırça ilə çəkilir.
Tortu zövqünüzə uyğun da bəzəyə bilərsiniz
Nuş olsun!
( tərcümə edilib )
XƏBƏR LENTİ
- ŞƏRHLƏR