Bildiyimiz kimi 1 İyun Uşaqların Beynəlxal Müdafiə günü kimi keçirilir. Dünyanın əksər ölkələrində keçirildiyi bu bayramı bizim körpələrimiz də keçirir. Əziz xanımlarımız bu bayram münasibəti ilə məndə sizlərə, şirin balalarınız üçün hazırlanması çox asand olan, gözəl görüntülər verərək resept təqdim etmək istəyirəm .Uşaqlarla birlikdə hazırlasaq bu çox əyləncəli olar, hazırsanızsa başlayaq.
Əziz xanımlar istənilən bəyəndiyiniz peçeniye reseptlərindən istifadə edə bilərsiniz.
Birinci resept
Tərkibi:
100 qr "Wellington" kərə yağı
50 qr şəkər pudrası
1 ədəd yumurta
50 qr blendirdən keçirilmiş badam
140 qr un
1-2 x/q kakao
Vanil
Hazırlanması:
Əvvəlcə badam təmizlənilir və blendirdən keçirərək toz halına gətirilir. Dərin bir qaba yumuşalmış yağ, şəkər pudrası ilə çalınır üzərinə vanel, badam, un əlavə edilib xəmir hazırlanılır. Hazır xəmir iki hissəyə ayrılır, birinə kakao qatılır. Xəmirlər 20-25 dəqiqə müddətində soyuducuda saxlanılır. Hər iki xəmir yayılır, ürək formalı fiqurlarla ürəklər kəsilir. Kakaolu xəmirdən olan ürəklər tən ortadan iki yerə kəsilir. Göz, ağız, bığ hissələri kakaolu xəmirdən sok çöpü ilə hazırlanılır və bütün ardıcıllıq şəkillərdə göstərilib.
Bu da hazır forma.
İkinci resept:
Vanilli xəmir
100 qr şəkər tozu
200 qr yağ
300 qr un
2 ədəd yumurta
Vanel
Kakaolu xəmir:
50 qr şəkər tozu
100 qr yağ
130 qr un
1 ədəd yumurta
20 qr kakao
Vanel
Bəzəmək üçün:
1-2 ədəd yumurta ağı
200 qr şəkər pudrası
1/2 ç/q limon suyu
şokalad tabletlər
Hazırlanması:
Hər iki xəmir hazırlanıb soyuducuda bir müddət saxlayıb, sonra yayılır. Ağ xəmir yumru dairə şəklində kəsilir, bir-birindən aralı şəkildə kağız sərilmiş listə yığılır.
Kakaolu xəmir yayılaraq kiçik dairə şəklində kəsilir və ağ dairənin tən ortasına fırçanı suya batiraraq isladılır və kakaolu dairə qoyulur.
180 dərəcədə, 15 dəqiqə ərzində hazır olana qədər bişirilir.
XƏBƏR LENTİ
- ŞƏRHLƏR