Dağıstan Respublikasının paytaxtı Maxaçkala şəhərində keçirilən “Tarki-Tau 2017” Beynəlxalq Kitab Sərgisində Azərbaycanı “Hədəf” və “Xan” nəşriyyatı, “Kitabevim.az” mağazalar şəbəkəsi təmsil edib. Məlumata görə, artıq 6-cı ildir keçirilən kitab bayramında bu il yerli və Rusiyanın bir sıra şəhərlərindən olan nəşriyyatlarla yanaşı, Belorusiya, Sloveniya, Slovakiya və Qazaxıstanda fəaliyyət göstərən nəşriyyatlar da iştirak edib. Azərbaycanın bu sərgidə ilk iştirakı da böyük maraqla qarşılanıb. Azərbaycandan olan nümayəndə heyəti “Hədəf” nəşrlərinin direktoru detektiv yazıçı Müşfiq Xan, “Xan” nəşrlərinin direktoru Rahil Zülfəliyev, “Kitabevim.az” mağazalar şəbəkəsinin direktoru Emin Sadiqov və “Ustad” dərgisinin koordinatoru, tərcüməçi Səbuhi Şahmursoydan ibarət olub.
Yazıçı Müşfiq Xan deyir ki, “əsasən azərbaycandilli kitablardan ibarət olan stendimiz tematik zənginliyilə rusdilli oxucuların yüksək marağına səbəb oldu. Xüsusilə “Xatirə ədəbiyyatı” seriyasını heyranlıqla qarşıladılar. Əlbəttə ki, sərgidə azərbaycan dilini bilən və ya əvvəllər Azərbaycanda yaşayıb, sonra Rusiyaya köçən oxuculara da rast gəldik və kitablarımıza qarşı onların əksəriyyətinin isti münasibətini gördük. Sərginin formatı satış etməyə imkan verirdi, amma məlum məsələdir ki, məqsədimiz orada ölkəmizi təbliğ etmək idi və sonda apardığımız bütün kitabları Dağıstan Mərkəzi Kitabxanasına hədiyyə etdik”.
“Kitabevim.az”ın direktoru Emin Sadiqov da qısa təəssüratlarını bölüşdü: “Doğrusu, əvvəlcədən məqsədimiz azərbaycandilli kitabların və ümumilikdə, region üçün önəmli olan bu sərgidə Azərbaycanın, ədəbiyyatımızın, nəşrlərimizin təbliği olsa da, bir istəyimiz də kitab bazarının formalaşdığı bu qonşu ölkədəki nəşriyyatlarla, bu işlə məşğul olan agentliklərlə əlaqə yaratmaq idi. Bu mənada xeyli uğurlu tanışlıqlar oldu. Qarşılıqlı əlaqələrin formalaşması yönündə ilkin addımlar atıldı, şifahi razılaşmalar əldə edildi. Ümumilikdə, təəssüratlarım müsbətdir”.
“Xan” nəşrlərinin direktoru Rahil Zülfəliyev isə bu təcrübənin sırf peşəkarlıq nöqteyi-nəzərindən faydalı olduğunu bildirdi. “Rusiya nəşriyyatları regionda öz peşəkarlığıyla istər-istəməz seçilir. Bizim hələ təzə-təzə götür-qoy etdiyimiz metodları onlar çoxdan təcrübədən keçirib və hansının daha effektiv olması barədə kifayət qədər deyəcəkləri var. Bu mənada müxtəlif görüşlərimiz oldu, suallarımızı cavablandırdılar. Nəşriyyatçılıqda ümumi strategiyanın yönləri barədə öz təcrübələrini bölüşdülər. Etiraf edim ki, xeyli maraqlı metodlar haqda məlumatlar aldım, zamanla bu cür görüşlərin çox olmasını istərdim”.
Səbuhi Şahmursoy isə Rusiya nəşriyyatlarının ixtisaslaşma prinsipiylə işləməsinə, bununla da əksəriyyətinin konkret auditoriyaya müraciət etməsinə diqqət çəkdi. “Dəyirmi masada keçirilən görüşdəki söhbətlərdən məlum oldu ki, təkcə Rusiyada deyil, başqa ölkələrdən gələn nəşriyyatlar da bu təcrübənin tətbiqindən razıdırlar. Məsələ belədir ki, sərgidə iştirak edən əksər nəşriyyatın kitabları konkret mövzuları hədəfləmişdi. Sonradan bunun prinsip olduğunu gördük. Tirajlara baxanda tematikanın zəngin olduğu Azərbaycan nəşriyyatlarının fəaliyyəti haqda öyrənəndə onlardakı marağı görmək lazım idi. Qazaxıstandakı rusdilli oxucuların çoxluğunu nəzərə alıb, onların uğurunu anlamaq olar, amma məsələn, Sloveniya nümayəndə heyətinin çıxışından anladım ki, dil məsələsinin lokallığı yerli nəşriyyatları konkret mövzu üzrə ixtisaslaşmağa sövq edir. Necə deyərlər, onlara belə işləmək rahatdır, hər kəsin bəlli oxucu kütləsi var və nəşriyyatın yalnız öz məhsulunu reklam edib satmaqdan başqa dərdi yoxdur, ağına-qarasına kitabçılığı təbliğ etmək, oxucularda zövq formalaşdırmaq və s. kimi problemlər həmin ixtisaslaşmış nəşriyyatları narahat etmir. “Başını salıb işini görür” və əmindir ki, arxasında onun müraciət etdiyi mövzular üzrə kitabları gözləyən oxucu ordusu var. Orada heyran qaldığım bir məqamı da vurğulayım. Məsələn, Sloveniyanı təmsil edən bir özəl nəşriyyat bütün ölkənin nəşriyyatlarını piar edir və bunu öhdəlik kimi görürdü. Bizə verdikləri kataloqda Sloveniyada fəaliyyət göstərən bütün nəşriyyatların əlaqə vasitələri vardı. Məncə, elə onların uğurları elə bu birlik və təəssübkeşlikdədir.”
Qeyd edək ki, “Tarki-Tau 2017” Beynəlxalq Kitab Sərgisində Azərbaycanı təmsil edən nümayəndə heyəti artıq geri qayıdıb.
XƏBƏR LENTİ
Serdar Ortaç yeni sevgili tapdı?-FOTO
Məşhur modelin FOTOları Diqqət Çəkdi
İsveçrə ATƏT PA-ya sədrliyi dövründə Dağlıq Qarabağ münaqişəsinin həllində irəliləyiş olacağına ümid edir
Yaralı əsgərimiz qayıtdı
SON DƏQİQƏ: Azərbaycana qar yağdı - VİDEO
Şəhərini gözəlləşdirən rəssam
Qan dövranını sürətləndirən qidalar
Düşüncə qabiliyyətimizi inkişaf etdirək
Qadınların nifrət etdiyi 6 kişi davranışı
Azərbaycanda yeni nəsil şəxsiyyət vəsiqələri ilə bağlı vəziyyət nə yerdədir?
Cem Yılmazdan ayrılan Defne diqqət çəkdi-FOTO
Peyğəmbərin jiletinin sarıldığı dəsmal tapıldı
Azərbaycanlı qadın döyüşçü ABŞ təşkilatı ilə müqavilə bağladı
Qarabağa tank yolları açılır
Sabahın HAVAsı
Evdəki vasitələrin möcüzəvi təsiri
Yağış və külək geri qayıdır
Soyuq da gözəllik yaradır
Sağlam kökəlməyin yolları
Azərbaycan Livana bir milyon dollar yardım edəcək
Kişi+qadın=?
Azərbaycanda I və IV qruplar üzrə qəbul imtahanlarının nəticələrini açıqlandı
"Reuters": Xəzərdə 32 nəfər ölüb
Məzəli portağal
Əhvalınız xoş olsun
Şokoladlı-çiyələkli keks
Afrikanın soyq ölkəsi. Kralın toyu - FOTOSESSİYA
Soyuqda papaq taxmayanların nəzərinə
Telekanal qazisini böyük coşqu ilə qarşıladı - VİDEO
Azərbaycanda koronavirusa daha 28 yoluxma qeydə alındı, 59 nəfər sağaldı
Tropik ölçülər natürmortları
Ermənistan Azərbaycanı su ilə sınağa çəkmək istəyir
Ən bahalı və ən ucuz ixtisaslar
Damar sağlamlığı haqqında bilməli olduqlarınız
Azərbaycanda yeni taksi növü xidmət göstərəcək
Rusiya BMP-ləri Azərbaycana göndərir
Bakıda təkrar mənzillər bahalaşır
Sinoptiklərdən xəbərdarlıq
Qızının ad gününə 6 minlik tort hazırlatdı - FOTO
Möcüzəvi bal
Muxtar Maniyevin ikinci ayağı amputasiya olundu
Dəhşətli soyuqlar gəlir: ALİMLƏRDƏN XƏBƏRDARLIQ
3 yaşlı qız bütün dünyanı MAT QOYDU -FOTO
İŞİD özünü məhv edir
HAVA necə olacaq?
Dünya bu qızdan danışır-FOTO
Alkoqola görə 226 sayt bloklandı
Dünyanın ən böyük məzarlığı
Onurğada ağrılar niyə yaranır?
Günün ulduz falı