Tərkibi:
100 q qaragöz lobya
300 q düyü
100 q "Best Cow" kərə yağı
Lavaş
1 hisə verilmiş balıq
Şəkər tozu (zövqə görə)
Hazırlanması:
Hisə verilmiş balıqla plovun Şamaxı variantını hazırlamaq üçün 100 q qaragöz lobyanı qaynadın. Qaynayan duzlu suda 300 q düyünü bişirin, süzün.
Qazanın dibini yağlayıb lavaş döşəyin (ya da xəmirdən qazmaq hazırlayın), düyü ilə lobyanı lay-lay düzün.
Qazanın ağzına dəsmal çəkib qapağını qoyun. Qazanı əvvəl orta itilikdə ocağın üstünə qoyun, qazan qızandan sonra isə vam odda 1 saat dəmləyin. Düyünün üzərinə 100 q ərinmiş yağ gəzdirin. Bir qədər də dəmdə saxlayın ki, düyü yağı çəksin.
Bu müddətdə balığı buğa vermək lazımdır. Onu perqamentə büküb mantı qazanında 10-15 dəqiqə buğa vermək, yaxud da təmizləyib, doğrayıb iki-üç dəqiqə qaynar suda saxlayıb suyu süzmək olar.
Plovu süfrəyə verərkən düyünü balıqla qarışdırmaq, buluda çəkəndən sonra isə üzərinə şəkər tozu səpmək lazımdır.
Nuş olsun!
XƏBƏR LENTİ
- ŞƏRHLƏR