Tərkibi:
1 kq düyü
1 ədəd toyuq (və ya qoyun əti)
500 qr kərə yağı
5 dəstə şüyüd
5 ədəd yumurta
Azərduz yodlu narın xörək duzu
Sarıkök (və ya zəfəran)
Hazırlanması:
Düyünü duzlu suda isladırıq.
Suyu qaynadıb düyünü qazana tökürük.
Şüyüdü yuyub incə-incə doğrayırıq.
Düyünü süzdükdən sonra aşsüzəndə üzərinə doğranmış şüyüdü tökürük.
Asta-asta qarışdırırıq ki, düyü əzilməsin.
Qazana qazmağı qoyub düyünü tökürük. Ərinmiş yağı töküb dəmə qoyuruq.
Toyuğu doğrayıb soyutma bişiririk.
Yumurtaları da soyutma bişiririk.
Plovumuz hazırdır. Süfrəyə sarımsaqlı qatıqla verilir. Nuş olsun!
Bəzən şüyüdü düyü ilə qaynadıb süzürlər. Bu zaman dadı və ətri qaçır. Buna görə də düyünü süzdükdən sonra qatdıqda plovunuz daha ətirli alınacaq.
Bəzi yerlərdə aşı süzüb qazana tökdükdən sonra düyünün üzərində oyuqlar açır və yumurtaları həmin oyuqlara qırırlar. Düyü dəm aldıqca yumurtalar da orada bişir.
XƏBƏR LENTİ
- ŞƏRHLƏR