Əziz xanımlar,Vüsalə(Nusulu) adlı Qadın.net istifadəçisi təzəlikcə hamilə qalıb.Bu həftədən başlayaraq,onun hamiləliyini axıra kimi izləmə şansımız olacaq.Bu həm Vüsalənin özü üçün,həm də hamilə xanımlarımız üçün faydalıdır.Ayrıca,Vüsalə hamilə qalma sevincini bizimlə bölüşməyə razı olduğu üçün ona xüsusi təşəkkürlər!
Vüsalənin söylədikləri
Yeni ailə qurmuşam.Toydan sonra hamilə qaldım.Amma bir qədər sonra açılış oldu.Bu ilin fevralın 9-da son aybaşı olub.Sonra 5 gün gecikmə oldu.Test alıb yoxladım,pozitiv çıxdı.İki qırmızı xətt yarandı.Ancaq xəttin ikincisi hələ açıq qırmızıdır.Hamilə olduğumu hiss edirəm.Axıntılarım çoxalıb.Ürəkbulanmam var.
Bu həftə Vüsalədə nə kimi dəyişikliklər olacaq?
Vüsalə,bəli,artıq hamiləsiniz!Bu həftənin sonunda bütün dünyaya ana olacağınızı elan edə bilərsiniz.Aybaşı olacağınız halda gecikdi.Hamiləlik testi alıb yoxlayarkən,neqativ də çıxa bilər.Ultrasəs müayinəsində hələ hamiləlik kisəsini görmək mümkün deyil.Amma qan testində 100%-ə qədər hamiləliyiniz isbat oluna bilər.
Hamiləliyin ilk əlaməti gecikən aybaşıdır.Bulantı hissi,sabah halsızlığı,qusma isə digər əlamətlərdir.Tez-tez və az-az yemək,səhər qalxmamışdan əvvəl nəsə bir şey yemək bu halsızlıqları aradan götürə bilər.
Bu həftə nə etməlisiniz?
Bundan başqa,duzlu qidalardan və hər cür iyli maddələrdən uzaq durmalısınız.Ümumiyyətlə,bu cür problemlər birinci trimestrinin bitməsi ilə bərabər itir.Ancaq bulantı və qusma ilə bərabər sidiyin rəngində tündləşmə olduqda,mütləq həkimə getməlisiniz.Yorğunluq ola bilər,dincəlməlisiniz.Bundan başqa,bəzi qidalara və dadlara qarşı istək hiss oluna bilər.Yorğunluq,mədənizdə yanma,döşlərinizdəki gərginlik və bulantılarla birlikdə körpəniz artıq mən burdayam deməyə başlayır.Ana hələ çox da dəyişiklik hiss etməsə də,maye ilə dolan döl kisəsi yaranmağa,buraya oksigen daşınmağa başlanılmışdır.Bu dövrdə bəzi ana namizədlərində qanama görünə bilər.Bu qanama yüngül bir ləkə kimi ola bilər.Qanamanın səbəbi embrion yerləşərkən kiçik kapilyarların çatlaması və ortaya çıxan qanın boşalmasıdır.Buna görə də ağır əşyalar qaldırmaq olmaz,çox gəzmək,cinsi əlaqədə olmaq olmaz.Çünki,sizdə artıq açılış olub.İkinci dəfə özünüzü qorumalısınız.Bu gündən etibarən həkimin göstərişi olmadan heç bir halda dərman və ot çaylarından istifadə etmək olmaz!
Gələcək körpəmiz nə boydadır,nə edir orda?
Körpə ana rəhmində bir maye içində inkişaf edər. Bu maye körpənin rahat hərəkət etməsinə köməklik edər, ola biləcək zərbələrdən qoruyar və körpənin ağciyərlərinin, həzm sisteminin və digər orqanının sağlam inkişafında rol oynayar.
Körpəmiz hələ 3 hissədən ibarətdir.Embrion deyilən bu hissə təxminən 150 hüceyrədən ibarətdir.Böyüklüyü 0,35-1 mm qədərdir. İnkişaf edən körpə namizədi artıq sizdən vitamin, folid turşusu, zülal, kalsium, dəmir və s. gözləməkdədir. Xüsusilə, hamilə qalmadan bir neçə ay əvvəlindən etibarən gündə 400 mikrogam folid turşusu qəbul etməyə başlamalı idiniz.
Bu da körpəmizin ilk şəkli.
XƏBƏR LENTİ
- ŞƏRHLƏR