Dənizə və ya çaya girərkən yavaş-yavaş girin, əvvəlcə əllərınızı, ayaqları, sonra bədəni isladın. Suda qalmaq müddəti: suyun tempraturundan və insanın fərdi xususiyyətlərindən aslıdır. Soyuq suda (16-19 dəq.) qalmaq müddətini 3-5 dəqiqə azaltmaq olar. Soyuqluq hiss etdikdə, titrədikdə və göyərdikdə tez sudan çıxın, dəsmalla qurulanın, tiftikli xalat geyinin, ya da mələfəyə bürünün, sonra bir az qaçın. Bədəncə möhkəm olan və yaxşı üzməyi bacaranlar suda daha çox qala bilərlər, ancaq onlar bədənlərinə əvvəlcədən yağlı krem çəkməlidirlər ki, az da olsa onları soyuqdan qorusun.
Seboreya, sızanaqlar və civzələr kimi dəri xəstəliklərinin birinci və əvəz edilməz dərmanı günəşdir.
Yaydakı hazırlıqdan sonra bədəni möhkəmləndirməni payızda da etmək lazımdır. Bundan sonraki möhkəmləndirmə tədbirlərinə soyuq su ilə silinmə, soyuq duş qəbulu, açıq pəncərə qarşısında gimnastika etmək və yatmaq aiddir. Bundan başqa hər gün havanı nəzərə almadan gəzintiyə çıxmaqda yaxşı təsir edir.
Payızda olduğu kimi,qışda da bədəni soyuq su ilə silməyə və soyuq duş (otaq tempraturu) qəbul etməyə davam edin.
Əgər siz bu proqramı gələn yaza qədər davam etdirsəniz görəcəksiniz ki, yuxunuz yaxşılaşıb, baş ağrılarınız keçib, iş qabilyətiniz artıb.
Yaz yorğunluğu deyilən xususi şikayətləri də yada salmağa dəyər. Bu nədən əmələ gəlir?
Yazda əhval-ruhiyyənin pisləşməsi, yorğunluq, yuxusuzluq kim hallar əsasən atmosfer dəyişiklərinin dinamikası, təzyiqin və tempraturun kəskin dəyişməsi ilə əlaqədardır. Burada boğanaq, havası pis dəyişilən, çoxlu siqaret çəkilən otaqda uzun müddət qalmaq nəticəsində oksigen çatışmaması da böyük rol oynayır.
Yazda əmələ gələn yorğunluğun vitamin çatışmamazlığından yarandığını düşünürsünüzsə yanılırsız. Yaxşı yeməyin əhəmiyyəti çox böyükdür, lakin özünü yazda yaxşı hiss etmək üçün gündəlik gəzintini və istirahəti unutmaq lazım deyil.
Qışla yaz dövrü arasında otlardan istifadə etmək yaxşıdır. İtburnu çayı hamıya xeyirdir, onda çoxlu vitaminlər və mineral duzlar var. Buna yemişan çayı da əlavə etmək olar, bu çay ürək fəaliyyətinə yaxşı təsir edir.
Bədənin ən gözəl möhkəmlənməsinə kömək edən idman ya da rəqs etməkdir.
Bədəni yaxşı möhkəmləndirmək lazımdır ki, insan ayaq üstə durarkən bədən möhkəm və gümrah olsun. Bədən möhkəm olarsa xəstəliklərə qarşı davamlı olar.
Bədəniniz daim möhkəm və gümrah olsun.
XƏBƏR LENTİ
- ŞƏRHLƏR