Xəmirin tərkibi:
230 qr un
110 qr kərə yağı
1 ç.q qabartma tozu
1 ç.q kakao
2 x.q şəkər pudrası
2 x.q süd
İçlik:
500 qr.pendir
2 ədəd yumurta
150 qram şəkər pudrası
1 x.q qarğıdalı nişastası
1 x.q vanil
1 x.q sürtgəcdən keçirilmiş limon qabığı
Əvvəlcədən sobanı 175 C qızdırırıq. Tavaya duru yağ çəkib üzərindən un səpirik. Bir böyük qaba unu, qabartma tozunu, daha sonra yağı, kakaonu, şəkəri və südü əlavə edib yaxşıca qarışdırırıq və xəmir halına gətiririk.
Xəmiri yumrulayıb ən azı 30 dəqiqəliyə soyuducuya qoyuruq, daha yaxşı olar ki, 1-2 saatlıq buzxanaya qoyulsun. (Xəmir daha quru olmalıdır ki, sürtgəcdən rahat keçsin)
Yağlı pendiri, yumurtanın sarısını, limon qabığını, vanili, qarğıdalı nişastasını 2 dəqiqəyə kimi çalırıq.
Bir ayrı qabda yumurtanın ağını yaxşıca çalıb beze halına gətiririk.
Alınan bezeni əvvəlki kütləyə qatırıq (pendir, yumurta sarısı, limon, qarğıdalı nişastasına)
Xəmiri soyuducudan çıxarırıq, iki yerə bölüb hər ikisini ayrı-ayrılıqda sürtgəcdən keçiririk.
Sürtgəcdən keçirdiyimiz bir hissəni tavaya tökürük, sonra alınan kütləni xəmirin üstünə şəkildə gördüyünüz formada tökürük.
Üzərinə qalan sürtgəcdən keçirilmiş xəmiri əlavə edib sobaya qoyuruq.
40-45 dəqiqə ərzində çizkeyk bişir.
Nuş olsun!
XƏBƏR LENTİ
- ŞƏRHLƏR