Tərkibi:
8-10 ədəd blincik
500 qram qaynadılmış ət
100 qram kələm
1 ədəd yerkökü
1 baş soğan
5 x.q. qaynadılmış düyü
50 qram " Wellington" kərə yağı
250 qram xama
0.5 ç.q duz
2 qram istiot
20 qram şüyüd
5 ədəd qaynadılmış yumurta
Hazırlanması:
Əvvəl qaynadılmış əti blenderdən və ya maşından keçiririk.
Sonra soğan və kökü təmizləyirik. Soğanı xırda doğrayırıq, kökü isə sürtkəcdən keçiririk.
Kələmi də xırda və nazik halda doğrayırıq (sürtkəcdən də keçirə bilərsiniz)
Soğanı tavada suyu çıxanacan bişiririk, sonra yağı, kökü əlavə edirik, bir yerdə bir az qızardıqdan sonra kələmi əlavə edirik, qızılı rəng alanacan qızardırıq. Kənara qoyuruq ki, soyusun.
Qızardılmış tərəvəzləri, sürtkəcdən keçirilmiş yumurtanı, əti, düyünü bir qaba tökürük, üstündən də təxminən 150 qram xama, duz, istiot əlavə edib yaxşıca qarışdırırıq.
Tavanı yağlayırıq.
Birinci blinçiki qoyuruq və üzərinə içliyi töküb yayırıq.
Bu qayda ilə o biri layları da üst-üstə qoyuruq. Üzərinə artıq qalmış xamanı töküruk.
Sonra sobaya qoyub 180 dərəcə temperaturda 20-25 dəqiqə bişiririk.
Hazır olandan sonra üzərinə doğranmış göyərtini səpirik.
Blinçikli qəlyanaltı hazırdır.
Nuş olsun! 
XƏBƏR LENTİ
- ŞƏRHLƏR