Əvvəl və sonra şəkilləri ilə itirilən hər şeyi gözlər önünə sərir. Suriyada hökumət əleyhinə etiraz aksiyaları 2011-ci il martın 15-də başlayıb. Ən geniş aksiyalar ölkənin cənubunda, Deraa şəhərində keçirilib. İlk öncə nümayişlər dinc xarakterli olsa da, daha sonradan nümayişçilər arasında peyda olan təxribatçılar tərəfindən polisə və nümayişçilərə atəş açılıb.
Amerikan alimləri Suriyada vətəndaş müharibəsinin başlama səbəbi kimi maraqlı şərh veriblər. Qlobal istiləşmə Aralıq dənizi hövzəsində kəskin quraqlıq mühitini üç dəfə artırıb. Kaliforniya universitetinin alimi Kolin Kelli deyir ki, vətəndaş müharibəsi başlamazdan öncə Suriya özünün ən quraq illərini yaşayıb. Üç illik quraqlıq Suriya tarixində ən dağıdıcı iqlim hadisəsi olub. Quraqlıq nəticəsində yüz minlərlə kəndli şəhərin işsizlər ordusunun sırasına qatılıb.
Suriya rejiminin kənd təsərrüfatı siyasəti daha çox pambıq kimi su sevən bitkilərin yetişdirilməsinə yönəlmişdi. Su əldə etmək üçün çoxlu su quyusu qazan kəndlilər isə qrunt suları ehtiyatlarını tükədib. Nəticədə quraqlıqdan qaçan milyon yarım kəndli şəhərlərə yerləşməyə məcbur qalıb. 2010-cu ildə Suriyanın şəhər əhalisi 2002-ci illə müqayisədə 50% artaraq, 9 milyondan 13 milyona yüksəlib.
Şəhərlərə axın nəticəsində gecəqonduların yaranması, işsizlik, əmlak bərabərsizliyi kütləvi hal alıb. Bütün bu faktorlar üst-üstə gəldikdə vətəndaş müharibəsinin başlaması üçün münbit şərait yetişib.
XƏBƏR LENTİ
- ŞƏRHLƏR