Tərkibi:
Xəmir üçün:
8 ədəd yumurta
2 st. şəkər tozu
2 st. un
2 ədəd qabartma tozu
2 ədəd vanel
Krem ücün:
300 qr "Wellington" kərə yağı
1 ədəd qatılaşdırılmış süd
Vanil
Bəzək ücün:
İstənilən meyvə
Jelatin tozu
200 qr qoz ləpəsi
Hazırlanması:
Əvvəlcə yumurtaları ağını sarısından ayırırıq, ağına 1 cimdik duz əlavə edib mikserlə ağaranadək çalırıq.
Üzərinə 2 st. şəkər tozunu az miqdarda əlavə edib yenidən mikserlə çırpırıq.
Beze halına gəlir.
Yumurtanın sarısınıda az miqdarda elavə edib mikserlə çırpırıq.
Kənarda 2 st. unu 2 dəfə ələkdən keciririk.
Üzərinə qabartma tozunu, vanili əlavə edirik, qaşıqla qarışdırırıq.
Tavaya kalka kağızı sərib yaglayırıq, qarışığı tavaya tökürük.
150 dərəcədə sobanı açmadan 25-30 dəq bişiririk.
Qatılaşdırılmış südlə kərə yağını krem halına gətiririk.
1 paket jelatin tozunu əvvəlcədən soyuq suda 1 saat isladırıq, sonra qaba 1 xörək qaşığı şəkər tozu əlavə edib, jelatini üzərinə boşaldırıq, qaynara düşənə qədər orta odda bişiririk. Tortumuzu kremləyib, qoz ləpəsini aralarına səpirik, ovuntuyla kənarlarını örtüb, meyvələri düzüb, jelatinimizi meyvələrin üzərinə gəzdiririk.
XƏBƏR LENTİ
- ŞƏRHLƏR