Tərkibi:
4 ədəd yumurta sarısı
1 ç/q vanil
1 paket krem (200 ml)
1 su st çəyirdəksiz albalı
yarım su st xırdalanmış peçenye
yarım su st xırdalanmış fındıq
Xüsusi şərbəti üçün:
yarım su st su
yarım su st toz şəkər
Hazırlanması:
Su və şəkəri şərbət halına gələnə qədər qaynadın, qazın üstündən götürün.
Benmaridə yumurta sarılarını çırpın. Hazırladığınız şərbəti ip kimi axıdın və qabarıb, rəngi açılana qədər çırpın. Qatılaşdıqda vanil əlavə edin, soyuducuda soyumağa qoyun.
Kremi mikserlə çırpıb, qabardın. Üçdə birini soyutduğunuz yumurtalı qarışıma altdan yuxarı doğru söndürməməyə diqqət edərək qarışdırın.
Qalanını da az-az əlavə edib qarışdırın.
Silikon qəlibləri su ilə isladın, artıq suyu süzün.
Qəliblərin yarısına parfe qarışımı tökün, albalıları qablara yerləşdirin və qalan qarışımı tökün. Son olaraq peçenye qırıntılarını səpin.
Soyuducuda 3-4 saat soyudun. Bəzəyib servis edin.
XƏBƏR LENTİ
