Üzüm dəyəndə ağıla bəkməz gəlir. Bəkməz deyəndə ağıla qan, can, güc gəlir... Ancaq bəzi səbəblərdən bəkməzlə edilən şiniyyatlar, ümumiyyətlə bəkməzdən istifadə çox azalıb. Onun əvəzinə şəkərdən daha çox istifadə edilir.
Şəkərin 5 qramında 20 kkal enerji var, lakin eyni qramdakı 1 qaşıq bəkməz 15 kkal enerji verir. Bəkməz 25% daha az enerji təmin etməsi ilə birlikdə şəkərin tərkibində olmayan dəmir, kalsium, fosfor, kalium, maqnezium, natrium, xrom kimi minerallar, B1 (tiamin) , B2 (riboflavin) və B3 (niasin) vitaminlər daxildir.
Bəkməz deyəndə ilk ağıla gələn dəmirdir!
Dəmir "qəbulunun" qeyri-kafi olması nəticəsində, xüsusilə qadınlarda və uşaqlarda görülən "dəmir əskikliyi anemiyası"ndan qorunmaq üçün gündəlik 1-2 qaşıq bəkməz qəbul etmək kafi olacaq.
Kalsiumun bitki mənşəli qaynağı: bəkməz!
Kalsiumun təməl qaynaqlarından biri süd və süd məhsullarıdır. Bununla bərabər bitki mənşəli qaynaqlarından biri də bəkməzdır. Kalsiumun sümük və diş sağlamlığını qorumaqda, əzələlərin yığılıb-boşalma vəzifəsini icra etməsində, maddələr mübadiləsinin tarazlığının təmin edilməsində lazımlıdır.
Maye tarazlığının açarları: kalium və natrium
Bəkməzdə olan kaliumun və natriumun hüceyrə daxili və xarici mayelərdə yer dəyişdirərək bədəndə tarazlığın qorunması, təzyiqin təşkil edilməsi kimi həyati funksiyaları vardır.
Xrom
Qan şəkərini və xolesterol səviyyəsinə nəzarət edərək tarazlıqda saxlayar. Xüsusilə şəkər xəstələri üçün əhəmiyyətli bir mineraldır. Xrom çatışmamazlığı daim aclıq hissi və şirniyyatlara hədsiz üstünlük vermək istəyi ilə iştah idarəsinin itirilməsinə səbəb olur və nəticədə bədəndə yağlanma prosesi başlayır.
Maddələr mübadiləsi, fosfor və B qrupu vitaminləri
Sümük və diş strukturlarının təməlini meydana gətirən fosfor kalsiumdan sonra bədənimizdə ən çox lazım olan mineraldır. Zülalların sintezi hüceyrədə enerji istehsalı kimi vəzifələri olması ilə bərabər karbohidrat, zülal və yağ mübadiləsində da funksiyası böyükdür.
Bəkməz menopauza dövründə azalan estrogen hormonunun bədəndəki fəaliyyətini dəstəkləyir və menopauza dövründə ortaya çıxan çətinliklərin öhdəsindən gəlməyə kömək edir.
XƏBƏR LENTİ
- ŞƏRHLƏR