Milli.Az Cənub TV-yə istinadən xəbər verir ki, Lənkəranda xərçəng xəstəliyi ilə bağlı
2012-ci ildə 209 nəfər qeydiyyatdan keçib. Keçən ilin 8 ayı ərzində bu rəqəm 142 nəfər idisə, cari ilin eyni dövründə bu rəqəm 146 olub.
Həkimlərin bildirdiyinə görə, xərçəng xəstəliyinin yayılma riski kişilərə nisbətən qadınlarda fərqlidir. Kişilərdə ən çox ağciyər, mədə-bağırsaq xərçənginə rast gəlinirsə, qadınlarda süd vəzisi, uşaqlıq yolunun xərçəngi, uşaqlıq, cinsiyyət orqanlarının xərçəngi daha çox müşahidə olunur.
Müsahibimiz həkim Müştəba Dədəcanov xərçəng xəstəliyinin müxtəlif növləri barədə məlumat verərək bildirdi ki, mədə-bağırsaq sistemində yaranan xərçəng ən çox qidalanma ilə əlaqədardır. Müsahibimizin sözlərinə görə, hər hansı bir şəxs, qidalanma rejiminə düzgün əməl etmədikdə, yəni müəyyən nomaları pozduqda, kobud qidalar qəbul etdikdə, çox isti halda konsergen tərkibli qidaları qəbul etdikdə mədə-bağırsaq sistemində selikli qişa ona reaksiya verir və bir müddət xroniki halda gedən proses tədricən xərçəng
xəstəliyinin yaranma səbəblərini tezləşdirir.
Onkoloq ağciyər xərçənginin xarici mühitlə, peşə faktorları ilə çox bağlı olduğunu bildirdi. Mühitin tozlu olmağı, insan orqanizminə zərərli olan siqaret, selen kimi preparatlar olan yerlər ağciyərlərin xərçəngə yoluxmasına şərait yaradır.
Bağırsaq xərçənginin hansı yolla yarandığına gəlincə isə onkoloq qeyd etdi ki, bağırsaq xərçəngi ən çox bağırsağın motor funksiyası, yəni hərəkət funksiyası pozulanda yaranır. Motor funksiya zəifləyəndə möhtəviyyat bağırsaq uzun müddət ləngiyir. Bu da bağırsağın selikli qışasına mənfi təsir göstərir və bu selikli qişaya təsir nəticəsində xroniki proses şişin
yaranmasına səbəb olur.
Mənbə:Milli.az
XƏBƏR LENTİ
- ŞƏRHLƏR