Unutmaz məni
Sənin yaddaşına sığınmaz ürək
Bu dəli məhəbbət unutmaz məni
Mən ona bir ömür həmdəm olmuşam
Nə hicran nə həsrət unutmaz məni
İlin də günün də özünə qalsın
Sənin ədalətin ayrılıq salsın
Qoy mənim yerimi özgələr alsın
O xəyal səadət unutmaz məni
Gözümü dikdiyim yollar nişanım
Küləkdə xəzanlar xatirəm olsun
Qəlbimdə əbədi sənli cahanım,
Yenilməz sədaqət unutmaz məni
Bir sükut baxışlı kədərəm qəməm
Sənsiz bu qismətə dumanam qəməm
Sənin yoxluğunu var edən mənəm
O əziz həqiqət unutmaz məni
Dönə bilmərik
Daha bu xəyalın sonuna gəldik
Nə qədər güclüdür Əli həsrətin
Nə geci nə tezi... yoluna geldik!
Boylansaq, keçmişi görə bilmərik
O qədər uzaqdı dönə bilmərik
Mənim əllərimdən qopubdu əli
Sənin gözlərindən düsüb itməli
Bu sevgi ölməli vallah ölməli
Bir ömür bir qismət bölə bilmərik
Nə etsək geriyə dönə bilmərik
Çətin bu ömürdə bir sevinc dinə
Əriyir hər gün də hər il də belə
Əcəlin küləyi əsməyib hələ
Bu ayrı ömürdə sönə bilmərik
İtirdik itirdik dönə bilmərik
Sənsizlik gözəldi min bir gözəldən
Divanə dünyadı, şer qəzəldən
İnsanın ürəyi daşdı əzəldən
Bu qədər kədərlə ölə bilmərik
Zamana köləyik dönə bilmərik
Səni mənim kimi sevənin hanı?!
Ürəyin axtarıb gəzərsə məni
Bölüşmək istəsə qəlbin bu qəmi
Bil səni gözləyir ürək həmdəmi
Dəmənsiz can verib ölənin hanı?!
Səni mənim kimi sevənin hani?!
Sevgimdən ucaldın uca dağ oldun
Çox bahar tükənib sən yarpaq oldun
Ötəri duyğuda səs sorağ oldun
Sən mənim zirvəmsən deyənin hanı?
Səni mənim kimi sevənin hanı?!
Uzaqda qırılıb sınar inamım
Daha tükənibdir yoxdur gümanım
Sən ayri dünyaydın ayrı cahanım
Bir ayri aləmi bilənin hanı?!
Səni mənim kimi sevənin hanı?!
Gəl yenə zülm eylə bu sevən cana
Bir ömür verərəm bir sənli ana
Dünya bir yanadır sən də bir yana
Ömürdə tək səni seçənin hanı?!
Səni mənim kimi sevənin hanı?!
Sən gələn yolların küləyi oldum
Havası, torpağı şimşəyi oldum
Ömrünün divanə ürəyi oldum
Yoluna əbədi köçənin hanı?!
Səni mənim kimi sevənin hanı?!
Müəllif: Divanə
XƏBƏR LENTİ
- ŞƏRHLƏR