![](/uploads/posts/2014-01/1391069325_gelin_ayaqqabisi_000.jpg)
İqtisadi və Sənaye Nazirliyi yanında Antiinhisar Siyasəti və İstehlakçıların hüquqlarının müdafiəsi Dövlət Xidməti vətəndaşlara ayaqqabı alarkən diqqətli olmağı məsləhət bilir. Nazirliyin mətbuat xidmətindən anspress-ə verilən məlumata görə, ayaqqabı alarkən problemlərlə üzləşməmək üçün bəzi faktlara fikir vermək lazımdır.
Ayaqqabıların keyfiyyəti onların hazırlandığı altlıq, üzlük və içlik materiallardan və istehsal texnologiyasından asılıdır. Sözsüz ki, təbii dəri və gönlərdən hazırlanan və istehsal texnologiyasının ardıcıllığına riayət edilərək hazırlanan ayaqqabılar daha rahat və insan sağlamlığı üçün ziyansızdır. Hər şeydən əvvəl ayaqqabı hazırlanan material yüksək keçiriciliyə malik olmaqla, yüngül olmalı, istifadə zamanı insan səhhətinə və rahatlığına mənfi təsiri olmamalıdır. Ayaqqabının müxtəlif sahələrində yerləşdirilmiş materiallar eyni xassəyə malik olmalıdır. Texnoloji proses zamanı ardıcıllığa riayət olunmadıqda və üzlük materialın nəmlənməsi aparılmadıqda ayaqqabı forma saxlama qabiliyyətini itirir.
Təbii gönlərdən fərqli olaraq süni və sintetik materiallarda məsamələr olmadığından ayaqlarda yaranan tər və nəm ötürülə bilmədiyinə görə xoşagəlməz qoxunun əmələ gəlməsinə, həmçinin sürtünmə nəticəsində hiperhidroz, yəni göbələk xəstəliyinin əmələ gəlməsinə səbəb olur.
Ayaqqabını seçərkən həmişə ikisini də geyinib yoxlayın. Üstündən burun hissəsini basaraq barmaqları əzib-əzmədiyini yoxlayın. Elastik və yumşaq altlıqlı ayaqqabı seçin. Əlinizdə bir az əyin. Keyfiyyətli ayaqqabıda altlıq asanca qatlanır, yuxarı hissəsi isə öz formasını çox da dəyişmir.
Ayaqqabı alarkən onun içlik materialına da fikir vermək lazımdır. Yaxşı olardı ki, içində xüsusi tərlik olsun. Tərlik altlıqla bərabər səviyyədə olmalıdır. Əgər süni materialdan olan ayaqqabı almısınızsa, heç olmasa, tərliyin təbii materialdan və ya parçadan olmasına əmin olun. Təbii materialdan hazırlanan tərlik sağlamlıq üçün əsas şərtdir.
Yayda isti havada ayaq şişdiyi üçün laklı ayaqqabı almayın. Yazda və payızda ayaqqabı alarkən onun su buraxmamağı vacib şərtdir. Bu cür ayaqqabıların altlığı qalın olsa, daha yaxşı olar. Qışda da ayaqqabının altlığının qalın olması ən vacib şərtdir. Bu səbəbdən ayaqqabı seçərkən bunlara diqqət etmək məsləhətdir.
Ayağın həcmi gün boyu genişləndiyinə görə ayaqqabını günortadan sonra almağa çalışın. Ayaqqabını yoxlayarkən ayağınızı sıxırsa, satıcının bir müddət sonra açılacaq deməsinə aldanmayın.
Nəzərə alın ki, istehsalında plastik materiallardan, həmçinin orqanizm üçün həyati təhlükə daşıyan, zahirən dəriyə oxşayan sintetik materiallardan istifadə olunan, hava buraxmayan ayaqqabılar sağlamlığa ziyandır.
Eyni zamanda bir cüt ayaqqabının tayları arasında hər hansı görünüş, forma, rəng və ölçü fərqinin olmamasına diqqət edin. Ayaqqabının üstü, iç astarı, altlıq və dabanının hazırlanmasında hansı materiallardan istifadə olunduğunu öyrənmək üçün onun etiketinə baxın.
Ayaqqabı seçərkən əsas meyar model və rəngdən öncə, rahat olmasıdır. Ayağınızın anatomik quruluşuna uyğun gəlməyən, böyük və ya ayağınızı sıxan ayaqqabı almayın. Ən uzun barmağınızla ayaqqabının ucu arasında bir qədər boşluq olmalı, yəni ayaqqabı ayağınıza kip oturmamalıdır.
Uşaq ayaqqabılarının arxalarının bərk, ayaqqabının üstünün elastik olmasına, burun hissəsinin barmaqları sıxmamasına, altlığının və dabanının yeri yaxşı tutan, sürüşməyən, elastik bir materialdan hazırlanmış olmasına diqqət yetirin.Ayaqqabının içini əl ilə yoxlayaraq astar və başqa hissələrdə ayağı narahat edəcək qırışıqların olmadığından əmin olun. Tikiş xətalarının olmamasına diqqət yetirin. Tez çirklənən və ya rəngi tez soyulan materiallardan istehsal olunmuş ayaqqabıları alarkən və istifadə edərkən iqlim şərtlərini nəzərə alın.Eyni zamanda nəzərə alın ki, “İstehlakçıların hüquqlarının müdafiəsi haqqında” Azərbaycan Respublikası Qanununun 15-ci maddəsinədə lazımi keyfiyyətli qeyri-ərzaq malı öz formasına, ölçüsünə, fasonuna, rənginə görə istehlakçıya yaramırsa və ya digər səbəblərə görə təyinatı üzrə istifadə oluna bilməzsə, istehlakçının onu alındığı yerdə uyğun mala dəyişdirmək hüququ təsbit edilmişdir. Bu eyni zamanda aldığınız ayaqqabıya da şamil oluna bilər. İstehlakçı tərəfindən əldə edilmiş lazımi keyfiyyətli mal, o cümlədən ayaqqabı istifadə olunmayıbsa və onun əmtəə görünüşü, istehlak xassələri, plombu, yarlığı, həmçinin, mal və yaxud kassa qəbzi və ya ona mal ilə birlikdə verilmiş digər sənədləri saxlanılıbsa, bu hallarda o alınma günü sayılmamaq şərti ilə, 14 gün ərzində dəyişdirilə bilər.
Mənbə: Milli.Az
![](/sfiles/img/icons/news-icon.png)
XƏBƏR LENTİ
“Eurovision-2019” -da bu ölkələr iştirak edəcək
Qadınlarda kişi hormonunun çoxaldığını göstərən əlamətlər
Maraqlı tapşırıqlar - 1
Tək qaşlı üzük modelləri
Kirpikləri uzadan bitki mənşəli yağlar
Lukaşenko orduya əmr verdi: Müharibəyə hazır olun
Bədənin müqavimətini artırmağın yolları
Çiyələkli tort (foto resept)
Bakıda Avropa Olimpya komitəsinin 5-ci iclası keçırılıb
"Dünyanın ən ləziz yeməyi" -XAÇAPURİ oldu
Obama Klintonu dəstəklədi
Bu da yeni Mercedes AMG
İdmançılarımız Soçi Olimpiadasında 2-ci sıradadırlar
Gənc Tamaşaçılar teatrında dekabrda nə olacaq?
Premyer Liqamız Avropada 29-cu yerdədir
Qaşlara qulluq
Bananlı bulka(foto resept)
40-a yaxın azərbaycanlı Gürcüstanda deputat mandatı uğrunda mübarizə aparacaq
Nüfuzlu "Əl-Fəcr" qəzetində Azərbaycanın Birinci vitse-prezidenti Mehriban Əliyeva haqqında geniş məqalə dərc edilib
Axmaqlığın 5 qanunu
Makiyajda yeni dəb
Dramatik sırğalar
Pəhriz zamanı bu qidalardan uzaq durun
Günün qoroskopu: romantik hisslərə qapılmayın
BÜRCLƏR bizə nə vəd edir?-26 Sentyabr
Ay daşının faydaları
3 aya 22 kq arıqladım
Qadına baxış
Çinin peyki orbitə çatmadı
Məktəbdə işləmək istəyənlərin nəzərinə
Məişət texnikası ağıllı olacaq
Sürətli dırnaq uzadan maska
Fahriye Evcenin qış kolleksiyası - FOTO
Hava haqqında
Dünyada 63-cü olduq
Tuba Büyüküstün sevgilisindən ayrıldı
Azərbaycan yerli velosipedlərin satışına başlayır - Qiymətlər AÇIQLANDI
Həkimlərə dəstək üçün qayıqla çılpaq səyahətə çıxdı - FOTO
Qaynana gəlin münasibətləri
Obama son qərarını verdi
Koronavirus xəstəliyinin qeyri-adi nəticəsi və bundan xilas olma yolları
AQTA imtahanda istehlak edilən qida məhsullarından nümunələr götürərək laboratoriyaya təqdim edib
"Qara Barbi" qəzaya düşdü-FOTO
Yol Polisindən bu sürücülərə sərt XƏBƏRDARLIQ
Kəsmikli və ərikli bulkalar (foto resept)
HAVA necə olacaq?
Bu preparatların qəbulu ziyanlı ola bilər
Müəllimlər də vahid forma geyindi
Bu da Rusiyanın “Eurovision” mahnısı - VİDEO
Üzüm pəhrizi
![](/sfiles/img/icons/valuable-icon.png)
- ŞƏRHLƏR