Əziz Qadin.Net istifadəçiləri, bu dərsimizdə sizlərə şəkli zolaqlı etməyi öyrədəcəyəm. Yazdıqlarımı və şəkilləri diqqətlə izləyin və dəqiq yerinə yetirin, alınacaq. Sizə uğurlar. Buyurun, başlayaq. Əvvəlcə Photoshop proqramını açırıq və effekt verəcəyimiz şəkli seçirik. Mən aşağıdakı şəkli seçib effekti vermişəm. Siz də istədiyiniz şəkli seçin və effekti verin.
Şəkli açdıqdan sonra sol tərəfdəki alətlər panelindən "Crop Tool" alətinə klik edirik və "Shift" düyməsini basılı saxlayırıq və siçanın sol düyməsini sıxaraq bizə lazım olan ölçünü şəklin üzərində götürürük və "Enter" düyməsinə basaraq şəklimizi kvadrat şəklinə salırıq.
Aşağıdakı kimi (Şəkil 1 , 2 və 3)
Sonra Ctrl+J basaraq şəklimizin surətini çıxardırıq.
İndi isə "Background", yəni arxa fonumuzu secirik və Alt+Backspace düymələrini birlikdə basaraq arxa fonumuzu qara rəng edirik.
Sonra 2-ci şəklimizi seçirik və yuxarıdakı alətlər panelindən "Viev" yazısını seçirik. Açılan paneldən "Shov" yazısına giririk və "Grid" yazısına klik edirik. Şəklimizin üzərində dama-dama xətlər yaranır. Bu xətlər tam seçilsin deyə Ctrl+K ikisini birlikdə basırıq və açılan paneldən "Guides, Grid&Slices" yazısına giririk və "Grid" bölməsindəki lazımlı parametrləri dəyişirik.
Sonra sol tərəfdəki alətlər panelindən "Rectangular Morquee Tool" yazısına giririk.
Sonra "Shift" düyməsini basılı saxlayıb bu əməliyyatı təkrarlamaq lazımdır.
Sonra isə sağ tərəfdə aşağıdan "Layer Mask" yazısını seçirik.
Daha sonra eyni əməliyyatı əksinə, yuxarıdan aşağı etmək lazımdır.
Bu vəziyyətə gətirdikdən sonra yuxarıdakı alətlər panelindən "Select" seçirik ve açılan bölmədən "Save Selection" yazısına klik edirik. Açılan pəncərədən "Ok" düyməsinə basırıq.
Sonra yenə şəklimizi aşağıdakı kimi kvadrat halına gəririk və bu dəfə başqa cür siləcəyik. Şəkillərə diqqətlə baxın və əməl edin.
- ŞƏRHLƏR