Tərkibi:
1 qutu hazır profiterol toz qarışığı
2 ədəd yumurta
4-5 xörək qaşığı su (50ml)
25 ml (2-3 xörək qaşığı) süd
50 ml (4-5 xörək qaşığı) "Zeytun Bağları" zeytun yağı
Şokoladlı sous üçün:
1 paket profiterol şokolad tozunun yarısı (bütöv əlavə edilsə xəmirə görə şokolad sousu artıq qalır)
1,5 st süd
0,5 st şəkər tozu
Krem üçün:
1 paket profiiterol krem tozunun yarısı
1,5 st soyuducuda saxlanılmış soyuq süd
(Qeyd edim ki, bu paketin içində ayrı-ayrılıqda xəmirin, şokoladlı sousun və kremin tozu var)
Hazırlanması:
1 paket profiterol xəmir tozunu boşqaba boşaldırıq.
Üzərinə 2 ədəd yumurtanı əlavə edirik.
Sonra qarışığa 4-5 xörək qaşığı su əlavə edirik.
Və yenidən ora 2-3 xörək qaşığı süd əlavə edirik.
Və sonda 4-5 xörək qaşığı duru yağ əlavə edirik.
Mikserlə 3-5 dəqiqə aramla çalırıq.
Alınmış sıyıq xəmiri şprisə doldurub, əvvəlcədən qızdırılmış soba listinə kalka kağızının üzərinə ara məsafələri saxlamaqla sıxırıq. Təxminən 25-30 dəqiqə, 180 dərəcədə üzəri azca qizarana kimi bişiririk.
Xəmirimiz bişənə qədər şokoladlı sousumuzu hazırlayırıq. 1,5 südü tavaya töküb üzərinə 0,5 paket şokolad tozunu südə əlavə edib, üzərinə 0,5 st şəkər tozu töküb vam odda qarışdırırq. Qaynamağa başlarkən oddan götürüb tam soyuduruq.
Və sonda kremimizi hazırlayırıq. Yenidən 1 paket krem tozunun yarısını 1,5 st südün üzərinə töküb, mikserlə çalıb krem halına gətiririk.
Bişmiş profiterollarımız tam soyuduqdan sonra hər birinin içinə təxminən 1çay qaşığı krem qoyuruq.
Tam soyudulmuş şokoladlı sousumuza batırırıq.
Nuş olsun.
XƏBƏR LENTİ
- ŞƏRHLƏR