Dəyərli qadin.net oxucuları Sizlərə nəinki, milli,həm də dünya xalqlarının mətbəxindən fotoreseptlər təqdim etməyi lazımlı bildik.Bugünkü reseptimiz daha çox özbəklərdə məşhur olan Mantı ilə bağlıdır.
Mantı - suda qaynadılmaz.
Mantıya - qiymə qoyulmaz.
Mantı - bişirmək üçün xüsusi mantı qazanı olmalıdır.
20-30 qr qoyun quyruğu
7-8 ədəd orta boy baş soğan
1 yumurta
1 stəkan un
Yarım stəkan soyuq su
Azərduz yodlu narın xörək duzu,
Qeyd etdiyim kimi,mantıya qiymədən istifadə etdikdə lazım olan ləzzəti almaq olmur.
Soğan da bıçaqla xırda-xırda doğranır.Soğanın bu qədər bol olması bu
yeməyin xüsusilə ləzzət və qoxu verməsi üçündür.
Ardından ət və quyruq soğanla qarışdırılır,duz,qırmızı toz bibər və zirə vurulur.
Mantı xəmiri yoğurmaq bir az güc tələb edir.Ona görə də evdə kişi köməyindən istifadə etsəniz daha yaxşı olar.
Bir qaba yumurta qırılır,yarım stəkan soyuq su əlavə olunur,bir az duz qoyub qarışdırılır,1 stəkan un əlavə edilib
xəmir yoğrulur.Əgər gərək olarsa, yenə un əlavə edilə bilər .Xəmir yoğrulduqdan sonra onu qabdab çıxarıb xəmir
taxtasında və ya masa üzərində yaxşıca yumşaltmaq lazımdır.Buna 20 dəqiqə vaxt sərf olunmalıdır.
Bundan sonrası artıq asandır.Əllə yumşaldılmış xəmir bir qədər dincə qoyulur.
Eyni zamanda Mantı qazanının alt hissəsi su ilə doldurulub ocağın üstünə qoyulur
Hazırlanmış xəmir 4 bərabər hissəyə bölünür
Bu hissələr də öz növbəsində 8-9 kiçik hissələrə bölünür
Bölünmüş hissələrdən qoz böyüklüyündə kündələr hazırlanır
Hər kündədən,təxminən 10 sm diametrində incə yuxa yayılır
Açılmış yuxalara 1 yemək qaşığı qədər iç qoyulur
Sonra yuxaların hər iki tərəfindən tutmaqla mantılar şəkildəki kimi bükülür
Hazır mantılar nəlbəkiyə tökülmüş bitki yağına batırılır ki, buxarda bişdiyi zaman yapışmasın
Hazır mantılar mantı qazanına düzülür
Mantı qazanını əvvəlcədən içində su qaynadılan alt hissənin üzərinə qoyulur
Mantılar ağzı bağlı halda 40-45 dəqiqə bişirilir.Ocağın altı gur olmalıdır ki, mantılar buxarda yaxşı bişsin.
Hazır mantılar səliqə ilə qaba düzülür,üzərinə isidilmiş kərə yağı və qara istiot tökülür
Mantı hazırdır,nuşla yeyə bilərsiniz
Nuş olsun! 
XƏBƏR LENTİ
- ŞƏRHLƏR