İŞİD terror qruplaşmasına aid olduğunu iddia edən hakerlər Fransanın TV5Monde televiziya stansiyasının TV kanallarını, vebsaytlarını və sosial media səhifələrini ələ keçiriblər.
ANS PRESS-in məlumatına görə, hakerlər TV5Monde-nin sosial media səhifələrində sənədlər də yerləşdiriblər. Bu sənədlərin İŞİD silahlılarına qarşı hərbi əməliyyatlarda iştirak edən Fransa əsgərlərinin qohumlarının şəxsiyyət vəsiqələrinin surəti olduğu bildirilir.
TV5Monde-nin baş direktoru Yves Bigot deyib ki, stansiya heç bir yayım həyata keçirə bilmir, vebsayt və Facebook səhifələrində isə İŞİD-in mesajları peyda olub. Stansiya iki saatdan sonra Facebook səhifəsini ələ keçirib, ancaq hələ də verilişlərini yaya bilmir.
Hakerlərin yaydığı mesajlardan birində Fransa prezidenti Fransua Ollandı İraqda və Suriyada İŞİD-i bombalayan ABŞ koalisiyasına qoşulmaqla “bağışlanmaz səhvə” yol verməkdə ittiham olunur.
Xatırladaq ki, hakerlər özlərini "KiberXilafət" (CyberCaliphate) adlandırıb və İŞİD düşmənlərinə qarşı kibercihad apardıqlarını bəyan ediblər.
Mənbə: ANS PRESS
XƏBƏR LENTİ
- ŞƏRHLƏR