Bu şirniyyat türk mətbəxinə aiddir. Xəmiri ekler pirojnasına bənzəyir, amma biz az fərqlidir, həm də ekler pirojnasını edəndə çox vaxt aldığımız şpris torbaları dözümlü olmur. Bunu hazırlamaq isə çox rahatdır və dadı da əla olur.
Xəmiri üçün:
1,5 st su
125 qram "Wellington" kərə yağı
4 ədəd yumurta
1,5 st un
Bir çimdik duz
Kremi üçün:
50 qram "Wellington" kərə yağı
200 qram qatılaşdırılmış süd
Üzəri üçün:
0,5 st üyüdülmüş qoz
Şokolad
Hazırlanması:
Əvvəlcə qazana duz, su və yağı töküb qaynadırıq. Sonra üzərinə unu ələyərək qazın üstündə qarışdırırıq ki, düyünlər əmələ gəlməsin.
Qırağa götürüb bir az da qarışdıraraq ilıq formaya salırıq. Xəmir ilıq olduqdan sonra yumurtaları bir-bir əlavə edib qarışdırırıq.
Əllərimizi duru yağla yağlayıb, qoz boyda kündə edib, elə ovcumuzun içində ortasından barmaqla deşik açırıq və fırladıb o biri tərəfini də yenidən deşib halqa formasına salırıq.
Bütün xəmiri eyni formada edirik və listə yığırıq, amma fikir vermək lazımdır ki, xəmir çox şişəcək və bir birinə yapışmasın. 200-250 dərəcədə bişməyə qoyuruq.
Bişən zaman kürəciklərin üzəri çəhrayı rəng olana kimi sobanın ağzını açmırıq. Bişib soyuduqdan sonra kremi şprislə kürəciklərin ortasına doldururuq.
Kremin üzərinə isə xırdalanmış qoz ləpəsi tökürük.
Hamısını etdikdən sonra istənilən ərinmiş şokoladla üzərinə xətlər çəkirik.
Ağızda əriyən qozlu, kremli kürəciklərimiz hazırdır.
Nuş olsun!
XƏBƏR LENTİ
- ŞƏRHLƏR