27.04.2010-02:06

• Müxtəlif

391 188

123

Dəyərli sayt oxucuları və istifadəçiləri,keçirdiyimiz Hansı rubrikanı daha çox bəyənirsiniz? Sayt sorğusunu nəzərə alaraq bildirim ki, ən çox bəyənilən rubrika Bizim mətbəx rubrikası oldu. Azərbaycan xanımlarının mətbəxə nə qədər çox həvəsli olduqları elə bu sorğudan məlum oldu. Əlbəttə ,sevindirici haldır ki,xanımlarımız hər zaman yeni reseptlər axtarışındadırlar və hazırladıqları ləziz yeməklər və şirniyyatlarla ailə üzvlərini sevindirməyə,evladlarını əyləndirməyə çalışırlar.
Odur ki, mən də Sizlərin marağını və həvəsini nəzərə alaraq müxtlif xalqların mətbəxlərindən olan reseptləri saytda yerləşdirməyə davam edirəm.(Təbii ki,digər rubrikalara da davam ediləcəkdir) Bugünkü reseptimiz qardaş ölkə Türkiyə mətbəxindən olan Börəkdir.Börək daha çox Türk xalqının çay süfrəsində və qonaq qəbulunda istifadə olunan reseptlərindən biridir.

Qiymə tavada qovrulur
İstəyə görə qiyməyə soğan və başqa ədviyyatlar da da vurmaq olar

Xəmir yoğurmaq üçün unun ortası açılır,su,yumurta,duz,yağ əlavə olunub yoğrulur

Yumşaq bir xəmir əldə olunanadək yoğrulmaya davam edilir və 30 dəqiqə müddətinə dinlənməyə qoyulur

Xəmir dinlənənə qədər börəyin üzəri üçün sos hazırlanır
Qatıq+yumurta+soda çırpılır

Xəmir 6 kündəyə ayrılır

Qeyd: kündələri yayarkən un yerinə nişastadan istifadə etsəniz,yuxa daha tez açılar
Hətta nişasta ilə 2 yuxanı üst-üstə yaymaq daha sərfəlidir,zaman baxımından,nişasta yuxaların yapışmasını əngəlləyir

Açılmış incə yuxalar ya mətbəx fırçası ilə,ya da sadəcə qaşıqla yağlanır

Qovrulmuş qiymə yuxanın ortasına qoyulur

Və yuxa rulet formasında bükülür

Hazırlanmış yuxa ruletlər yuvarlaq soba sinisinə şəkildə göstərildiyi kimi spiral formasında qoyulur
Börək xəmirinin üzərindən tam bərabərdə qatıqlı sos tökülür və əvvəlcədən 180 dərəcədə isidilmiş elektrikli sobada 45 dəqiqə bişirilir

P.S. Bu üsulla börəyin içi üçün qiymədən başqa pendir və ya ispanaqdan da istifadə edə bilərsiniz.

Nuş olsun!

10 3

Şikayət et

Ceylan Mumoglu