Detoks effektli içkilərə bitkilərdən dəmlənən çaylar daxildir- şalfey, çobanyastığı, adaçayı dəmləməsinin üzərinə portağal və qara qarağat şirəsi sıxaraq gözəl şirə əldə etmək olar.Bu növ içkilər qaraciyərin işini yaxşılaşdırır və dərinin rəngini təravətləndirir.
Nanə dəmləməsi də çox xeyirlidir. Sidikqovucu təsirə malikdir.Mədə-bağırsaq və həzm prosesini tənzimləyir.
Limonad- Bu içki damarların fəaliyyətini tənzimləyir, qandakı toksinləri və şlakları kənarlaşdırır və orqanizmdə olan lazımsız mayeni çıxarır.
Hazırlanması: bir stəkan suya bir çay qaşığı bal və iki xörək qaşığı təzə sıxılmış limon suyu əlavə edin və qarışdırın. Bu içkini səhər ilıq şəkildə (40°С-dən çox olmamaq şərti ilə) için.
Püre halında olan kokteyllər həm meyvə, giləmeyvələrdən, həm də tərəvəzlərdən hazırlana bilər. Bu növ içkilər vitamin mənbəyi hesab edilir, mikroelementlərlə zəngindir. Həzm prosesini asanlaşdırır və bağırsaq fəaliyyətini tənzimləyir.
Bu cür içkilər pomidordan, kökdən, avakadodan, xiyardan və s.-dən hazırlanır. İçinə zövqə görə yoqurt və ya yağsız süd, nanə, qoz və digər bu növ əlavələr etmək mümkündür. Bu içkiləri hazırlamaq üçün öz fantaziyanızdan istifadə edin. Belə ki, kokteyllərə meyvə şirələri əlavə edə bilərsiniz. Portağal və kök, kərəviz və alma qatışığı dadlı olur.
Yaşıl bitki və tərəvəzlərdən şirələr: Bu şirələr orqanizmdəki lazımsız maddələri və toksinləri uzaqlaşdırır. Qaraciyərin fəaliyyətini yaxşılaşdırır.
Kərəviz şirəsi B qrup vitaminləri ilə zəngindir, təzə sıxılmış şüyüd suyu isə digər otlardan daha çox C vitamini ilə zəngindir.
Xiyar suyu qanda olan xolesterinin miqdarını azaldır və dərini cavanlaşdırır.
Turşəngin suyu isə soyuqdəyməyə qarşı məlhəmdir. Bu növdən olan içkiləri masaj prosedurlarından əvvəl içmək də olar. Bu cür içkilər masaj prosedurlarının bədənə təsirini gücləndirir.
Zəncəfil çayı. Həzmi asanlaşdırır, maddələr mübadiləsinə kömək edir, immuniteti gücləndirir.
Çayın dəmlənməsi: Bir litr suyu qaynadın, qaynayan suya zəncəfil əlavə edin, 10 dəqiqə qaynadıqdan sonra götürün. Soyuq və ya ilıq için. Zövqə görə üzərinə qara istiot, darçın və ya itburnu siropu da əlavə edə bilərsiniz.
XƏBƏR LENTİ
- ŞƏRHLƏR