Bu gözəl güllərlə hər kəs öz evini bəzəmək istəyər. Bu bitkinin vətəni Cənubi Amerikadır. Beqoniyaya dəniz səviyyəsindən 3000-4000 m hündürlükdə tropik və subtropik meşələrdə rast gəlinir. Asiyada bu bitkiyə Himalay dağlarının şərqində, Hindistanın cənub dağlarında, Malay arxepelaqında və Şri-Lankada təsadüf olunub. 18-ci əsrin sonunda ingilis ovçuları Pero və Boliviyaya yeni zanbaq növləri tapmaq üçün gəliblər. Beqoniya onları heyran qoyub və tezliklə bu bitki bütün Avropaya yayılmağa başlayıb. Hal-hazırda beqoniyanın 1000-ə kimi təbii sortu, bir o qədər də hibridi mövcuddur.
Klassik Beqoniya Reks - ən qeyri-adi maskalanmaya malikdir. İri məxməri, qırmızı damarlı yarpaqları bitkiyə rütubətli tropik meşələrdə hündür ağacların altından günəş şüalarına çatmaq üçün lazim idi. Onun yarpaqları müxtəlif forma və fərqli naxışlı olur və hamısı da son dərəcədə gözəl və ekzotik görkəmə malikdir. Yaponların rəvayətinə görə, o, yerdən aşiq olmuş qızın göz yaşlarının sayəsində çıxıb. Ona görə də bu bitkiyə romantiklərin çiçəyi də deyirlər.
Beqoniyanın hədsiz sayda növləri var və onların da hər biri yarpağının, çiçəyinin, gövdəsinin quruluşu, rəngi ilə bir-birindən fərqlənir. Gəlin bu gözəlliklərə bir yerdə baxaq.
Beqoniya Rex
Burulğanı xatırladan yarpaqlara ağ zolaqlar daha xoş görünüş qatır.
İri çəhrayı yarpaqlar içindən boylanan incə bir beqoniya çiçəyi.
P.S. Anamın beqoniya reksin turşməzə yarpaqlarını qoparıb yeməyi xoşlayırdıq 
Beqoniya Semperflorens
Tünd çəhrayı yarpaqlar evin dizaynına qeyri-adilik bəxş edir.
Eyni bitki olsa da, çiçək və yarpaqlarının bu qədər fərqli olması möcuzə deyilmi?
Dibçəkdəki bu gözəl beqoniya evlərinizə romantik nəfəs gətirəcək.
Beqoniya Escargot
Beqoniyanın növbəti möhtəşəm görüntüsü.
Evinizi daima çiçəklərlə bəzəyin, onlarla söhbət edin. Bəli, bəli söhbət!!! O zaman həm sizin əhvalınızın necə yüksələcəyini, həm də çiçəklərinizin günü gündən gözəlləşəcəyinin şahidi olacaqsız. 
XƏBƏR LENTİ
- ŞƏRHLƏR