Braziliyalı ekspertlərin BBC-yə verdiyi məlumata görə, Zika virusu hər 5 hamilə qadından birində, müxtəlif kəskin sinir pozğunluğu ilə də müşahidə oluna bilər.
Xəstəliyə yoluxmadan qorunma ilə bağlı məlumatların yayılması sayəsində Braziliyanın bəzi yerlərində Zika virusuna yoluxma tempi bir qədər zəifləyib.
Lakin vaksinin axtarılması hələ də erkən mərhələdədir. Zika virusu isə region üzrə yayılmaqda davam edir.
Bir çox həkimlər və tibbi tədqiqatçılar razılaşırlar ki, Zika virusu ilə mikrosefaliya arasında əlaqə var. Belə ki, Zika virusu ilə doğulan uşaqlarda beyin inkişaf pozuntuları səbəbindən anormal kiçik baş olur.
Hamiləlik dövründə Zika virusuna yoluxan qadınlardan 1 faizinin uşağının mikrosefaliya ilə doğulması ehtimal edilir.
Ölüm nadir hallarda baş verir və bu virusa yoluxan hər 5 insandan birində onun əlamətləri inkişaf edir.
Ölüm nadir hallarda baş verir və bu virusa yoluxan hər 5 insandan birində onun əlamətləri inkişaf edir
Milli.Az Musavat.com-a istinadən bildirir ki, braziliyalı həkimlər BBC-nin Rio de Janeiro müxbiri Vyre Davies-ə deyib ki, hamilə qadınların bu virusa yoluxması onların 20 faizinin körpəsinin hələ bətndə olarkən bir sıra beyin zədələnmələrinə məruz qalması ilə nəticələnəcək.
New England Journal-da dərc olunan digər araşdırma məqalədə deyilir ki, "Zika virusuna yoluxan qadınlar arasında aparılan yoxlamalara əsasən, 29 faiz halda böyümə məhdudiyyəti də daxil olmaqla anormallıq körpə hələ ana bətnində olarkən başlayır".
Bu virusa qarşı hər hansı vaksinasiya və ya dərman yoxdur. Ona görə də bu insanlara yaxşı istirahət etmək və çoxlu maye içmək tövsiyə olunur.
Lakin virusa yoluxmada ən böyük problem onun bətndəki körpənin inkişafına mənfi təsir göstərə bilməsidir.
Mənbə: Milli.Az
XƏBƏR LENTİ
