Dünyanın ən məşhur müğənnilərindən biri Beyonse Nouls dünən Hindistanın Mumbay şəhərində idi.
Qadin.Net Milli.Az -a istinadən bildirir ki, Hindistanın ən zəngin iş adamı, multimilyarder Mukeş Ambaninin qızı, 27 yaşlı İşi Ambani milyonçu iş adamı, 33 yaşlı Anand Piramala ərə gedib.
Udakypur şəhərindəki dəbdəbəli sarayda başlanmış toyun qonaqları arasında aktrisa Priyanka Çopra və əri Nik Conas, ABŞ-ın sabiq dövlət katibi Hillari Klinton, "The Huffington Post"un baş redaktoru Arianna Haffinqton, "21st Century Fox"un baş direktoru Ceyms Merdok, "BP Group" neft-qaz korporasiyasının baş direktoru Bob Dadli, aktris Ayşvariya Ray, kriket əfsanəsi Saçin Tendulkar və başqaları vardı.
Üç gün davam edən toyun ertəsi günü mərasim Ambani ailəsinin Mumbay şəhərindəki 27 mərtəbəli "Antilia" göydələnində Beyonse səhnəyə çıxıb.
Beyonse toyda verdiyi konsertə "Perfect" mahnısı ilə başlayıb, "Crazy İn Love" ilə davam edib.
37 yaşlı Beyonsenin toyda geyindiyi libasın müəllifi isə tanınmış hind modelyer Abu Cani Sandip Hosla idi.
2 min qonağın dəvət olunduğu, üç gün-üç gecə davam etmiş toya 25 milyon dollar sərf olunub.
XƏBƏR LENTİ
