Azərbaycanın bir kəndi qorxu içindədir
7 091
3
Son vaxtlar dağətəyi rayonlarda yaşayış məntəqələrinə yırtıcı heyvanların basqını çoxalıb. Milli.Az Kanal S-ə istinadən bildirir ki, Oğuzun Muxas kəndində hücum edən vəhşi heyvanlar sakinlərə məxsus ev heyvanlarını parçalayır. Sakinlər təşviş içindədirlər. Bir neçə gün öncə Oğuzun Muxas kəndində iki iribuynuzli heyvanı və at balasını canavar parçalayıb. Artıq kəndə vəhşi heyvanların basqını adi hal alıb. Çaqqal və canavar kimi yırtıcıların yem dalınca yaşayış məntəqələrinə soxulması sakinlərin narahatlığına səbəb olulb. Bundan əlavə, ev heyvanları arasında yoluxucu xəstəliklərin yayılması ehtimalı qaçılmazdır.Yırtıcılar evlərə soxulmaqdan belə çəkinmirlər. Sakinlər əlaqədar təşkilatlardan vaxtında tədbir görülməsini istəyirlər. Vaxtında tədbir görülməzsə bir gecə ərzində 200-300 km məsafə qət etmək qabiliyyətinə malik olan bu yırtıcıların hansı təhlükələrə səbəb ola biləcəyini təsəvvür etmək heç də çətin deyil.
Mənbə: Milli.Az
XƏBƏR LENTİ
- ŞƏRHLƏR