Həzrəti Cərcis peyğəmbər (ə) ziyarətgahı
Cərcis fars sözüdür. “Cahar cur” dörd dəfə ölüb dirilən deməkdir. Türkcə isə bu car, carcı anlamını verir. Cərcis Peyğəmbər b.e. çox əvvələr təkallahlılığı yaymağa göndərilib. Gənc Cərcis üçün təkallahlılığı yaymaq çox çətin idi. Bəzən onun peyğəmbərliyinə inanıb Allaha pənah gətirənləri hökmdarlar qılıncdan keçirirdilər. Onun özünü isə deyilənlərə görə dörd dəfə öldürməklərinə baxmayaraq, (müxtəlif üsullarla) o Allahın hökmü ilə yenidən həyata qayıtmışdır. Arazboyu oda sitayiş edən insanlar odu da, alovu da yaradan bir qüvvənin Allahın varlığını tanımışdır. Yalnız ömrünün yetmiş yeddinci baharında o, Tanrıdan əbədiyyətə qovuşmağı arzulamış və indiki ziyarətgah olan yerdə haqq dərgahına qovuşmuşdur.
Onun həyat tarixçəsi belədir:
Sual: Ya Peyğəmbər, deyiniz görək o kimdir ki, 4 dəfə ölüb sonra yenidən dirilib?
Cavab: 4 dəfə ölüb dirilən adamın adı Cərcis peyğəmbərdir (ə).
Dərziyanə adlı bir kafir İranın Mosul şəhərində padşah idi. O qatı bütpərəst idi. Günlərin birində şeytan həmin bütün içinə girir və şaha deyir:
“Kim mənə səcdə etməsə, məni özünün məbudu bilməzsə, onu oda at!” Şah bu əmri yerinə yetirir.
Cərcis peyğəmbər ALLAH-ın sadiq qullarından biri imiş, həm bilikli, həm də varlı-hallı adam imiş. Günlərin birində Cərcis peyğəmbər əşyalarını yığaraq, Mosul şəhərinə ticarətə gəlir. Bu mənzərəni görərəkən ürəkdən üzülür və öz-özünə deyir: “Hər cür əzaba düçar olsam da, dinsizləri bütə sitayiş etməkdən çəkindirməliyəm”.
O, padşahın yanına yaxınlaşır və deyir: “Nə üçün bütə sitayiş edir, belə yersiz əməllərə xalqı da məcbur edirsən? Əgər sənə bir bəla üz versə bu daş nə sənə,nə də sənin şəhərinə bir köməklik göstərə bilməz.”
Padşah bu sözləri eşidib çox qəzəblənir və əmr edir ki, onu ağaca bağlayıb dərisini deşik-deşik etsinlər. Və bu əmr həyata keçirilir. Cərcis ucadan ALLAH-ı mədh edir və ALLAH onu bu bəladan xilas edir. Cərcisə heç bir şey olmur və ALLAH onu yenidən xəlq edir. (birinci dəfə-ölüb dirilmə)
Bunu eşidən padşah ikinci dəfə ona cəza verməyi əmr edir. Bu dəfə onun başına köz kimi qızarmış mıx çalmaqla əzab verilir. Elə bir mıx ki, ucu boğazından keçib qarnından bənd alır. ALLAHU TƏALA Cərcisi bu bəladan da xilas edir.
Bu dəfə də inamayan və hirsi soyumayan padşah Cərcüsün əl və ayağını bağlatdırır və zindana saldırır və qarnının üstünə iri bir daş qoyduraraq ac susuz saxlayır. ALLAHU TƏALA yerə bir mələk göndərir,onun əl və ayağını açır, cənnət yeməkləri ilə onu qidalandırır. (ikinci dəfə-ölüb dirilir)
Bütün bunları görən qəlbi möhürlənmiş padşahın qəzəbi soyumaq bilmir, Cərcüsə yataq düzəltdirir və onu yatağında doğratdırır. Gecə düşən kimi ALLAHU-TƏALA ona bir mələk göndərir və ona bu mələk vasitəsilə peyğəmbərlik bəxş edir. Mələk deyir: “ALLAHU-TƏALA sənə peyğəmbərlik bəxş etdi. Xalqı düzgün yola çağırmağı sənə tapşırır. (üçüncü dəfə-ölüb dirilmə)
Cərcüs bir müddət sonra yenə də padşahın yanına gəlir və peyğəmbərliyini, ALLAH-ın vahidliyini təbliğ edir. Bu dəfə padşah əvvəlkilərdən də çox qəzəblənir və ona çox şiddətli ölüm hazırlamaq qərarına gəlir. Misdən düzəldilmiş böyük bir öküzün içinə kükürd və yanacaq dolduraraq Cərcüs peyğəmbəri içərisinə salır və qapısını örtürlər və böyük bir tonqal qalayıb bu öküzü tonqalın üstünə qoyurlar.
Gecə düşdüyündə yer üzünə bir mələk enir və alov yana yana bu öküzü götürərək yerə çırpır. Bu zaman bir neçə kənd məhv olur. Ertəsi gün Cərcis peyğəmbər yenidən xəlq olur. (4-cü dəfə ölüb dirilmə)
Bu əhvalatı mən bizdə olan “Məhəmməd peyğəmbərə (s.a.s) 40 sual 40 cavab” kitabından sizlər üçün qısaca yazmışam.
25 Sentyabr 2010-cu il tarixində Beyləqanda həmin yeri ziyarət etdim və sizlər üçün çəkdiyim şəkilləri sizə təqdim edirəm.
Bu ziyarətgaha bəzən "Zəncirli pir" də deyirlər. Məqbərənin içərisindən asılan zəncirə niyyət edilib yaylıqlar atılır, əgər zəncir tutarsa diləyin həyata keçir. (Mən sınamadım, çünki inanmıram)
XƏBƏR LENTİ
- ŞƏRHLƏR