Niyə qışda çoxumuzun xoşbəxtlik şkalasında göstəricisi enir? Tibbdəki bir səbəbi günəş işığının azlığından qaynaqlanan serotonin hormonunun azalmasıdır. Bu hormon, "xoşbəxtlik hormonu" olaraq da bilinir. Qış bitdi, qış yuxusundan oyanmağın zamanı çoxdan gəlib. Ümumiyyətlə, az yatmağa çalışaq. Nə qədər individual olsa da, əvvəllər normal yuxu 8-9 saat məsləhət görülürdüsə, artıq alimlər 5-6 saatlıq yuxu rejiminin normal həyat sürən insanlar üçün kifayət etdiyini bildirirlər. Düzü bu xəbərə çox sevindim. Çünki, bildiyimə görə, dinimizdə də çox yatmaq bəyənilmir.
Nə etməli?
Gecədən saatınızı günəşin yenicə doğulduğu vaxta qurun. Fövqəladə bir şeyə hazırlaşırmış kimi saat çalan kimi tənbəllik etmədən yatağınızdan qalxın. Öncə, daha bir səhərə göz açdığınız üçün Rəbbinizə şükür edin.
Sonra pəncərəyə yaxınlaşın, günəşin qırmızımtıl şüalarını görürsünüzmü? Buludları yararaq, inandla yerə uzanan sevgi, istilik yayan şüalar. Onlar, onlara ehtiyacı olanlara çatmaq üçün, sevgisini paylaşmaq üçün geri çəkilmirlər. Baxın bu gözəlliyə... Yaradana sonsuz Həmd və Şükür olsun... Açın qəlbinizi, qoy bu sevgi şüaları qəlbinizin buzunu əritsin, o buzlar içində həbs olmuş kini, hirsi, acığı, küskünlüyü, bütün kiri təmizləsin!
Sonra pəncərəni açın, üşüməkdən qorxmayın, qəlbiniz isindikcə xoşhallanacaqsınız. Açdınızmı? Eşidirsinizmi? İlk şüalarla oyanan quşların cəh-cəhi... Ya Rəbbim, hələ bu Həmd-Şükür səslərinə sübh azanının sədaları da qarışırsa... Necə də gözəldir... Sanki hər yer, sevgi dolu günəş, sevgidən isinib oyanan torpaq, sevinən quşlar, dağ, daş... hər yer Onu zikr edir...
Bir daha sonsuz Həmd və Şükür olsun... Unudun bütün ağrı-acınızı, gündəlik problemlərinizi. Bilirəm, deyəcəksiniz ki, demək asandır, problem birdir, ikidir ki. İnsan yaşadıqca onsuz da dərdi-səri bitmir. Bitməyəcək bir şeyə görə bütün həyatını və ya müəyyən hissəsini puç etməyə dəyərmi? Dərdlərimizin çarəsi var - Allah. Təvəkkül edək, səhər yuvasından ac çıxıb, axşam tox dönən quşlar kimi təvəkkül edək. Bir şeyi unutmayaq - insanın yaradılış qayəsi dünyada, amma axırət üçün çalışmaqdır. Kifayətlənməyi bacaraq, bacaraq ki, çiyinlərimizə aldığımız yükümüz artmasın.
Qoy bahar düşüncələrimizi aydınlatsın, səhvlərimizi görməyə yardımcı olsun, ən əsas da kinimizi, kibirimizi təmizləsin. İnanın ki, qəlbimiz nə qədər qırılmış olsa da, haqqımız nə qədər tapdanmış olsa da - bunların ağırlığını daşıdıqca əziləcəyik. Etdiyimiz səhvlərimizin, günahlarımızın yükündən də qəlbimizin dərinliklərindən gələn tövbə ilə qurtulaq. Qəlbimizdəki qaranlıqlar sizə xoşbəxt olmağa imkan verməyəcək. Ömür isə çox qısadır. Bitdikdən sonra "Sən cəmi bir-neçə saat sürdün..." deyəcək qədər qısa. Bu qədər qısa ömrü, bizə faydasız olan hisslərə sərf etməyə dəyərmi?
Zamanın qıtlıq təşkil etdiyi bir vaxtda, imkan edib bir-neçə saat ailəmizlə, əzizlərimizlə təbiət qoynuna, heç olmasa parka getməyə ayıraq. Bahar havası ürəklərimizi də isidəcək, bütün incikliklərimizi, küskünlüklərimizi sadəcə çıxarıb ataq! Sevgimizi bölüşək, valideynlərə, həyat yoldaşına, övladlarımıza, dostlarımıza onları sevdiyimizi deməyi unutmayaq!..
Bəlkə də bahara, günəşə, buludlara, səmaya olan sevgim bahar uşağı olmağımla əlaqədardır, bilmirəm. Amma kiminsə baharı sevmirəm deməsini də təsəvvür etmirəm.
Yeni xoşbəxtliyiniz baharla, ümidləriniz günəşlə doğulsun...
XƏBƏR LENTİ
Yarpağın macərası
Düzgün qərar qəbul etməyin yolları
Dahilərdən gözəl sözlər - 13
Həkimdən Bəhram Bağırzadənin vəziyyəti ilə bağlı AÇIQLAMA
Ana ilə yatmaq uşağın ürəyini müdafiə edir
Mehriban Əliyevadan xalqa çağırış
Rihanna fantastik qiymətə ev kirayələdi - FOTO
Koronavirus peyvəndinin qiyməti bəlli oldu
Günün ulduz falı
"Qayıq üçünçü dəfə platformaya çırpılanda parçalandı"
Meqan və Harri hər kəsi belə Təbrik etdi-FOTO
Çay gözəlləşdirir
Kredit götürmək istəyənlər üçün
Azərbaycanda orta ixtisas təhsili müəssisələrinə ərizə qəbulunun vaxtı açıqlandı
Apple gözləri izləyəcək
“Whatsapp”da yeni funksiya
Məşhur aktyor aparıcılıq etməyəcək-SƏBƏB
Günün qoroskopu: baş verənləri diqqətlə izləyin
Dəbli toy donları
Günün ulduz falı - 16.08.2013
O mesajlar niyə göndərilir? - Müdafiə Nazirliyi açıqladı
Moruqlu kekslər (foto resept)
6 erməni əsgər məhv edildi
Düşmənin kabusu: “Ermənilər azanın səsini eşidəndə qaçırdılar” - VİDEO
Məşhur aktrisa ən böyük qorxusunu AÇIQLADI-FOTO
Tarixin ən qaddar 10 qadını
Aydilge 35 kq-lıq gəlinlik geyinəcək-FOTO
Ərəb ölkəsində nikahdankənar yaşamağa icazə verildi
Saç tökülməsinin qarşısını alan maska
Arıqlamaq istədi, ölümdən döndü - FOTO
Hıçqırıq necə keçər?
Rezidenturaya qəbul imtahanlarının vaxtı açıqlandı
Peçenye keks (foto resept)
Obamadan yeni sanksiyalar
Sizi arıqladan 25 qida (1-ci hissə)
Koronavirusla bağlı SON STATİSTİKA
Bu smartfon 2 əməliyyat sistemində işləyir
Ceyms Bond filminin premyera tarixi dəyişə bilər-SƏBƏB
Gənc xanımlar üçün donlar
Azərbaycanlı idmançı Fransada 1-ci oldu
Di Kaprio Kendal Cenner ilə sevgilidir? - FOTO
Dekorativ Şamdan
Təbii makiyaj təmizləyiciləri
“Azərcell” ləğv olunur - SON DƏQİQƏ
Azərbaycanda ən çox rast gəlinən kişi və qadın bəlası
Şəkil çəkməyi bacaran heyvanlar
“Forma-83” elektron formada veriləcək
"Dəmir ledi"nin şəxsi əşyaları rekord qiymətə satıldı
Həyatı asanlaşdıran 10 ixtira
HAVA necə olacaq?-8 FEVRAL
- ŞƏRHLƏR