Yeni peyvənd gəlir

07.10.2014-16:05

11 557

Bundan sonra pnevmakok Azərbaycandakı peyvənd siyahısına salınaraq, dövlət poliklinikalarında da uşaqlara inyeksiya şəklində vurulacaq. Bəs bu peyvənd körpələrimizi hansı xəstəlikdən qoruyacaq?Bu barədə ANS TV araşdırma aparıb. Pnevmakok infeksiyasına qarşı tətbiq edilən peyvənd Ümumdünya Səhiyyə Təşkilatı və digər Beynəlxalq təşkilatların ekspertlərinin araşdırmalarından sonra tətbiq edilməyə başlanılıb.Baş pediatır Nəsib Quliyevin sözlərinə görə Azərbaycanda sətəlcəm adlanan pnevmakok pnevmaniya xəstəliyinə qarşı peyvəndin başlanılması uşaqların sağlamlığının bərpasına,uşaq ölümünün azalmasına təsir edəcək. ”Azərbaycanda və dünyanın bir çox ölkələrində tənəffüz sistemi xəstəliyi xüsusəndə pnevmaniyalara tez- tez rast gəlinir və çox ağır fəsadlar törədir. Ona görə də bu xəstəliyin qarşısını almaq məqsədilə pnevmakok peyvəndi uşaqlara edilir.Baxmayaraq ki bu peyvəndin qiyməti çox da ucuz deyil.Amma Azərbaycan dövləti pnevmakoklara qarşı vaksini əldə etdi və uşaqlar iki,dörd və altı aylığında peyvənd olunurlar.Dövlət müəssisələrinin hamsında uşaqlar tam pulsuz peyvənd edilir”, - deyə Nəsib Quliyev bildirib.
Azərbaycanda uşaqlara 10 yoluxucu xəstəliklərə qarşı peyvənd vurulur. Bu xəstəliklərdən hepatit B, vərəm və polmeitə qarşı peyvənd uşaq doğulandan bir həftə ərzində vurulur. Daha 4 peyvəndə uşaqlar iki aylıq olanda qoşulur. Bir yaşında isə qızılca, məxmərək qarşı peyvənd olunur. Vərəmə qarşı edilən mantu sınaqları isə 18 yaşına qədər müxtəlif yaşlarda edilir. Bəzən bu sınaqlar zamanı uşaqlarda ölüm və ağırlaşma hallarının olması insanlarda peyvəndə qarşı xof yaradır. Çoxları bundan könüllü şəkildə imtina edir. Amma peyvəndsiz uşağın bir qrup yoluxucu xəstəlikdən ölə biləcəyidə bildirilir. Ona görə də həkimlər gələcək sağlamlıq üçün peyvənd vurulmasını vacib hesab edir.Hər bir uşaq peyvəndən qabaq həm sahə pediatoru ilə həmdə nevropatoloqla məsləhətləşməlidir. Onların icazəsi olandan sonra peyvənd aparılır.
Hazırda dünyanın 180 ölkəsində İnvizasiya proqramı həyata keçirilir. Bu vaksinasiya proqramı Dünya Səhiyyə Təşkilatının və Amerika Birləşmiş Ştatlarının Qida və Dərman Administrasiyasının xüsusi rəyi ilə həyata keçirilir. Xüsusən payız, qış fəslində qripə qarşı vaksinasiyalar edilir. Bu ümumi dövlət proqramından kənar pasientin şəxsi istəyi ilə həyata keçirilir.

Mənbə: ANS PRESS