Tərkibi:
200 q peçenye
500 q xama
100 q "Möcüzə" paket yağı
150 q kəsmik
120 q şəkər tozu
1 paket jelatin (10 q)
1 paket vanilin
1 ədəd limon
1 paket yaşıl rəngli jele (kivili)
Hazırlanması:
Peçenyeləri blenderdə yaxşı-yaxşı əzirik. Əvvəlcədən yumşaltdığımız yağı peçenyenin üzərinə əlavə edib qaşıqla qarışdırırıq. Sonra tortumuzu hazırlayacağımız qaba əlavə edib üzərini qaşıqla sıxaraq hamarlayırıq. 30 dəqiqəlik soyuducuya qoymaq lazımdır.
Bu arada jelatini hazırlayırıq. 100 q suya 1 paket jelatin əlavə edib 10 dəqiqə gözlədikdən sonra çox zəif odda qarışdıraraq 50 dərəcəyə qədər qızdırmaq lazımdır.
Qəti qaynatmaq olmaz. Kəsmiyi ələkdən keçirmək lazımdır ki, yumşaq və narın olsun. Sonra üzərinə şəkər tozu, xama və vanilin əlavə edirik. Limonu ortadan bölüb yarısının suyunu üzərinə sıxırıq və mikserlə şəkər tam əriyənə qədər çalırıq. Hazırladığımız jelatini əlavə edib qaşıqla yavaş-yavaş qarışdırmaq lazımdır. Sonra alınan kütləni peçenyenin üzərinə əlavə edib qaşıqla hamarlayırıq. Yenidən 2 saatlıq soyuducuya qoyuruq.
1 paket yaşıl rəngli jele götürüb üzərindəki təlimata görə hazırlayırıq. Lakin 100 q suyu azaltmaq şərti ilə. Jelemiz soyuduqdan sonra soyuducudan tortumuzu çıxarıb, üzərinə əlavə edib 4-5 saat ərzində yenə soyuducuda saxlayırıq. Süfrəyə verərkən üzərini limonla bəzəyə bilərsiniz.
Nuş olsun!
(tərcümə edilib)
XƏBƏR LENTİ
- ŞƏRHLƏR