Tərkibi:
Biskvit üçün:
3 ədəd yumurta (ağları və sarıları ayrı)
135 q şəkər tozu
125 q un
Muss üçün:
350 q çiyələk (Çiyələk sezonu olmayanda dondurulmuşu da olar)
500 q maskarpone pendiri
450 ml yağlı qaymaq (30% və ya ondan artıq)
100 q şəkər tozu
100 q şəkər kirşanı
15 q jelatin
Bəzək üçün:
50 ml yağlı qaymaq
15 q şəkər kirşanı
200 q çiyələk
1 paket tort üçün olan adi jele (Dr.Oetker)
1 y.q şəkər tozu
Hazırlanması:
Əvvəlcə biskviti hazırlayaq. Bunun üçün yumurtanın ağını yaxşıca çalırıq və üzərinə çala-çala az-az şəkər tozu əlavə edirik.
Çalmağı dayandırmırıq və yumurtaların sarısını da az-az əlavə edirik. Sonra isə mikseri söndürürük. Qarışımın üzərinə az-az un əlavə edirik və xəmiri qaşıqla aşağıdan yuxarı doğru ehtiyatla qarışdırırıq.
Alınan xəmiri formaya töküb 200 dərəcədə qızdırılmış sobada 20-25 dəqiqə bişiririk. Biskvit bişən müddətdə sobanın qapısını açmaq olmaz. Hazır biskviti soyutduqdan sonra iki bərabər hissəyə bölürük. Kənarlarından da bir qədər kəsirik ki, tortumuz səliqəli alınsın.
Muss üçün yuyub quruladığımız çiyələyi blenderdə şəkər tozu ilə qarışdırırıq.
Bir rezin spatula ilə maskarponeni çiyələkli qarışıma əlavə edirik və qarışdırırıq. Çırpma teli ilə də qarışdıra bilərik. Amma diqqətli olun, bu qarışımı çırpmaq yox qarışdırmaq lazımdır.
Jelatini qabının üzərində yazıldığı kimi soyuq su ilə yumşalıdırıq. Sonra isə qaynama (ərimə) temperaturuna gələn 50 ml qaymağın üzərinə əlavə edirik. Kənarda 5 dəqiqə saxladıqdan sonra bu qarışımın üzərinə 2-3 y.q maskarponeli qarışımı əlavə edirik və qarışdırırıq. Sonra isə bu qarışımın hamısını pendirli qarışıma əlavə edib yaxşıca qarışdırırıq.
Yerdə qalan digər qaymağı isə şəkər kirşanı ilə qarışdırırıq.
Ehtiyatla pendirli-giləmeyvəli qarışım ilə qarışdırırıq.
Biskviti kənarları bağlı bir qaba qoyuruq. Uzununa iki yerə bölünmüş perqament kağızını şəkildə gördüyünüz kimi birləşdiririk və biskvitin üzərinə qoyuruq. Biskvitin üzərinə hazırladığımız mussu əlavə edirik. Perqament mussun kənarlara axmasının qarşısını alacaqdır.
XƏBƏR LENTİ
- ŞƏRHLƏR