Tərkibi:
Un- 1kq
Şəkər tozu- 200 q
Yumurta- 2 ədəd
"Best Cow" kərə yağı- 350 q
Qoz - 150 q
Darçın- 1 ç.q
Vanilin- 1 paçka
Çiyələk cemi- 100 q
Qatılaşdırılmış süd- 100 q
Duz-azca
Qara çörək otu- 1 ç.q
Hazırlanması:
Mayanı 0,5 stəkan isti suya əlavə edirik, üzərinə də 1 ç.q şəkər. Maya həll olur. Xəmirimizi hazırlayırıq.
Unun üzərinə qatılaşdırılmış süd, yumurta, vanil, duz, 5 x.q şəkər tozu, 250 q yumşalmış yağ əlavə edib xəmirimizi yoğururuq. Xəmiri 30 dəqiqə isti yerdə saxlayırıq.
Sonra xəmiri 6 hissəyə ayırırıq. Yenidən 30 dəqiqə isti yerdə saxlayırıq. İçliyimizi hazırlayırıq. Xırda-xırda doğranmış qozun üzərinə darçın və qalan şəkər tozunu əlavə edib yazxşı-yaxşı qarışdırmaq lazımdır. Sonra qalan kərə yağını da əlavə edib qarışdırırıq. Sonra kündələri yayırırıq.
Şəkildə gördüyünüz kimi 8 hissəyə bölürük.
Üzərinə içlik əlavə edib, şəkildə gördüyünüz kimi qıraqlarını içəri qatlayıb rulet kimi bükürük.
Piroqumuzu bişirəcəyimiz qabın içinə falqa kağızı qoyub, azca un səpirik və ruletlərimizi düzürük içinə.
Üzərinə çay dəsmalı sərib yenə də 30 dəqiqə isti yerdə saxlayırıq.
Sonra üzərinə yumurta sarısı çəkib, qara çörəkotu səpirik. 180 dərəcədə üzəri qızarana kimi bişiririk.
Piroq bişdikdən sonra sobadan çıxarıb üzərinə çiyələk cemi çəkirik. Dadlı piroqumuz hazırdır!
Nuş olsun!
XƏBƏR LENTİ
- ŞƏRHLƏR