1 st. duru yağ
1 st. süd
Yarım st. sirkə
3 ədəd yumurta
Yarım ç.q. soda
1 çimdik narın xörək duzu
Apardığı qədər un
Arası üçün:
400 qr çəkilmiş qoz ləpəsi
Yaymaq üçün:
Qarğıdalı nişastası
Üzərinə tökmək üçün:
1 stəkandan bir az çox əridilmiş kərə yağı
Şərbəti üçün:
4 st. şəkər tozu
4 st. su
Yarım limon
Üstü üçün:
Yaşıl kokos
Hazırlanması:
Ərzaqları qarışdırıb yumşaq xəmir yoğururuq və yarım saat bir kənara qoyuruq. Xəmiri 4 hissəyə bölürük, bölünən hər hissəni də 10 kündəyə bölüb 40 kündə edirik. Qoz ləpəsini blendrdən keçiririk.
1 kündəyə nişasta tökürük və boşqab boyda yayırıq, 10 kündəni də bolluca nişasta ilə bu qaydada yayırıq.
Yayıb üst-üstə qoyuruq və böyük formada yayıb, listə qoyub, üzərinə ləpənin 1/3 hissəsini tökürük. Digər kündələri də bu formada edib arasına ləpə tökmək lazımdır.
Sonuncu kündəni bu formada edib üzərinə qoyuruq və bu formada ya da istənilən formada kəsirik. Üzərinə ərinmiş kərə yağı töküb 200 dərəcəli sobada bişiririk.
Şərbəti də yarım saat vam odda qaynadırıq. Şərbəti isti-isti soyuq paxlavanın üzərinə tökürük və paxlavanın ortasına yaşıl kokos səpirik.
Qaziantep paxlavamız hazırdır.
Nuş olsun!
XƏBƏR LENTİ
- ŞƏRHLƏR