Tərkibi:
3 ədəd yumurta
1 stəkan şəkər tozu
2 stəkan un
Bir paket qabartma tozu
Vanil
Qida boyaları
4 xörək qaşığı su
Krem üçün:
Yarım banka qatılaşdırılmış süd
100 qram "Welington" kərə yağı
Şokolad
Hazırlanması:
Əvvəlcə yumurtanı sarısından ayırırıq və mikserlə çoxlu çalırıq.
Sonra şəkər tozunu az-az əlavə edərək yenidən çalırıq, beze halına gəldikdə sarılarını da qatıb yüngülcə qarışdırırıq.
4 kasada qida boyasını su ilə həll edirik, alınan xəmirimizə un və qabartma tozunu da əlavə edib azca qarışdırırıq.
Alınan xəmiri hər kasaya eyni miqdarda əlavə edib qarışdırırıq.
Sonra falqa kağızı sərilmiş listə hər rəngdən qaşıqla şəkildəki kimi dar zolaqlar çəkirik.
180-200 dərəcədə bişiririk və isti-isti dərhal kağızdan çıxarırıq, dəsmalla rulet formasında bükürük.
Plitka şokoladı buxarda əridirik, kremimizə ilıq halda əlavə edirik.
Ruletimiz soyuduqdan sonra açaraq düz üzünə kremi çəkirik.
Yenidən bükərək rulet formasına salırıq.
Bükərkən ruleti hər bir dilimini bir rəngdə ya da qarışıq bükə bilərsiniz.
Ruletimiz hazırdır.
Nuş olsun!
XƏBƏR LENTİ
- ŞƏRHLƏR