Tərkibi:
Can əti-500q
Yerkökü-1-2 ədəd
Baş soğan-1 ədəd
Sarımsaq-2 diş
Qırmızı bibər(şirin)-1 ədəd
Soya sousu-2.3 x.q
Bal-1 x.q
Sirkə(üzüm və ya alma)-zövqə görə
"Zeytun bağları" zeytun yağı-5 x.q
Duz-İstiot- zövqə görə
Hazırlanması:
Əvvəlcə can ətini nazik lay şəklində doğrayırıq.
Dərin qabda zeytun yağı, bal, sirkə və soya sousunu qarışdırırıq. Xırda doğranılmış sarımsaqları da əlavə edin. Doğranılmış ətləri sous içərisində yaxşı qarışdırıb 30 dəqiqə ərzində üstü aluminium folqa ilə örtülü şəkildə 180 dərəcədə isidilmiş soba qoyun.
Bu ərəfədə tərəvəzləri şəkildə gördüyünüz kimi doğrayın və üzərinə zeytun yağı əlavə edilmiş tavada yüngülcə qızardın.
Daha sonra sobadan əti çıxarırıq. Folqanı açıb tərəvəzləri qaba yerləşdiririk. İstəsəniz tərəvəzləri ətin altından qoya bilərsiz.
Beləcə ətin suyu tərəvəzlərə keçmiş olacaq.
Bir daha 180 dərəcədə isidilmiş sobaya 15-20 dəqiqəlik bişməyə qoyun.
Budur tərəvəzli can ətimiz hazırdır.
Nuş olsun!
XƏBƏR LENTİ
- ŞƏRHLƏR