Əkiz hamiləlikdə istirahət və yuxu tək hamiləlikdəkindən daha da əhəmiyyətlidir.
Normal hamiləlikdə yaşanan yorğunluq hissi əkiz hamiləlikdə daha çox yaşanır. Bədənin ehtiyaclarına cavab verilməli və mümkün olan hər vəziyyətdə istirahət edilməlidir. Xüsusilə hamiləliyin ilk həftələrində yuxuya meyl tək hamiləlikdən daha çox olur. Yuxu nizamı mütləq təmin edilməli və mümkünsə gün ərzində yuxu üçün vaxt ayrılmalıdır.
İdman
Əkiz hamiləlikdə idman mütləq məhdudlaşdırılmalıdır.
Tək hamiləliklərdə gündəlik məşqlər hər ana namizədinə mütləq təklif edilir. Bu əkiz hamiləlik üçün də məsləhət görülür. İdman uyğun şərtlərdə olmalıdır. Bu çox kökəlməmək, gecə rahat yatmaq, doğuma hazırlıq etmək, hamiləliklə bağlı əlamətləri daha yüngül yaşamaq və hətta heç yaşamamaq və ana namizədinin özünü mənəvi və fiziki olaraq yaxşı hiss etməsi baxımından son dərəcə əhəmiyyətlidir.
Əkiz hamiləlikdə erkən doğum riski yüksək olduğu üçün xüsusilə hamiləliyin II yarısından sonra yorucu idmana fasilə verilməlidir. "Yorucu məşq" terminini təyin etmək çətin olduğu üçün, təklifimiz əkiz hamiləliyin ikinci yarısından etibarən Məşqlər çox azaldılmalıdır. Yenə də, hamiləliyin hansı mərhələsində olursansa ol, məşqlər mütləq hamiləliyi izləyən həkim tərəfindən təsdiqləndikdən sonra tətbiq olunmalıdır.
Qidalanma
"Üç (və ya daha çox) canın qidalanması lazımdır" fikri səhvdir. Bu fikirə əsaslanan bir çox əkiz hamiləlik yaşayan analar bütün günü acsa da, acmasa da yemək yeyir.
Əkiz hamiləliyi olan ana namizədləri gündəlik qida ehtiyacları mövzusunda əvvəlcə öz mədə ehtiyaclarına güvənməlidirlər. Beyində olan aclıq mərkəzi bədənin ehtiyaclarını sizə bildirəcək və kifayət qədər qidalanmağınıza yardım edəcək. Diqqət yetirilməsi lazım olan ən əhəmiyyətli nöqtə zülal və kalsium məzmunlu qidaların daha çox istehlak edilməsidir. Tək hamiləlikdə olduğu kimi əkiz hamiləliklərdə də həddindən artıq yağlı və həddindən artıq karbohidratlı yeməklərdən uzaq durulmalıdır. Maye, vitaminlər və dəmirlə əlaqədar təkliflərə nəzər salaq.
Maye qəbulu
Əkiz hamiləlikdə maye qəbulu mütləq artırılmalıdır.
Maye və xüsusilə də su həyatın imtina edilməz bir maddəsidir. Hamiləlik dövründə böyrəklərin daha sürətli çalışması, bədənin maye miqdarının artması və nəhayət böyüməkdə olan körpənin (və ya bir neçə körpənin) artmış olan ehtiyacları səbəbilə maye qəbulu artırılmalıdır. Gündəlik qəbul edilməsi lazım olan minimum miqdar 2-2.5 litr olmalı və susama hissi olmasa da müəyyən fasilələrlə nizamlı olaraq maye qəbulu davam etdirilməlidir.
Maye tarazlığının pozulması erkən doğum riskini artıran səbəblərdən biri ola biləcəyi ehtimalı hər zaman xatırlanmalıdır.
Vitaminlər və Dəmir ehtiyatları
Əkiz hamiləlikdə vitamin və dəmirə olan ehtiyac əhəmiyyətli dərəcələrdə artar.
Vitaminlərin təbii qaynaqları olan tərəvəz və meyvələr arasında ən faydalı olanları mövsümi tərəvəz və meyvələrdir. Bunlarda mövsümün xüsusiyyətlərinə görə ehtiyac duyduğumuz maddələri daha boldur. (qış meyvə və tərəvəzlərinin C vitaminindən zəngin olması, yaz tərəvəz və meyvələrinin isə maye məzmununun daha çox olması kimi).
Vitaminləri təbii qaynaqlarından qəbul etmək hər zaman ideal fikirdir. Bundan əlavə həkim nəzarəti ilə müəyyən vitamin həblərin də qəbulu mümkündür.
Ana namizədləri hamiləlik dövründə həkim tərəfindən təklif edilən dəmir tərkibli dərmanları mütləq nizamlı olaraq istifadə etməlidirlər. Əkiz hamiləlik kimi ehtiyacın daha da yüksək olduğu vəziyyətlərdə bu dərmanlar qansızlığın inkişafına maneə yaradır.
İş Həyatı
Əkiz hamiləliyi olan ana namizədləri daha tez məzuniyyətə çıxmalıdır.
Həkimlər əkiz hamiləlikdə daha çox yataq istirahəti məsləhət görür və erkən doğum riskini azaltmaq baxımından həkimin bu təklifi mütləq nəzərə alınmalıdır. Yenə də, xüsusilə fiziki və mənəvi olaraq daha çətin işdə işləyən bütün ana namizədlərinin məzuniyyətə daha erkən çıxması əhəmiyyətlidir.
Cinsi Həyat
Həkimin məsləhətinə uyğun yaşanmalıdır.
Tək hamiləlikdə cinsi həyatın hamiləliyin sonuna qədər davam etdirilə biləcəyini söyləyən həkimlər olmaqla yanaşı hamiləliyin ilk və son həftələrində cinsi həyatı məhdudlaşdırmağın lazım olduğunu düşünən həkimlər də vardır. Əkiz hamiləlik üçün isə 28-ci həftədən sonra cinsi əlaqə məhdudlaşdırılmalıdır. Bu erkən doğum riskinin azaldılması baxımından vacibdir. Digər dövrlərdə isə hamiləliyi izləyən həkimin məsləhətlərinə mütləq riayət edilməlidir.
Əkiz hamiləliyi yaşmış biri kimi deyə bilərəm ki, doğrudan da əkiz hamiləlik çox çətindir. O ağırlığı daşımaq, ikiqat ağrılar, ikiqat ürəkbulanmaları, müəyyən müddətdən sonra bədənin şişməsi və s. çox çətindir. Hələ o əkizlər dünyaya gəldikdən sonra...Allah arzulayan hər qadına nəsib etsin! Çətinliklərə sinə gərmək özü də bir qəhrəmanlıqdır.
XƏBƏR LENTİ
- ŞƏRHLƏR