Son zamanlar uzun ətəklər yenidən dəbə düşüb. Xüsusilə də yay ayları uzun ətəkli xanımlara daha tez-tez rast gəlirik. Yayda xanımların seçim etdikləri uzun ətəklər daha çox kətan və nazik, sərin saxlayan parçalardan olur. Ətəklərin rənglərinə gəldikdə isə isti ilə əlaqədar olaraq tünd rənglərdən "qaçırlar". Ətəklərdə daha çox yaşılın fərqli çalarları, çəhrayı, mavi, qırmızı, qarışıq güllü rənglərdən istifadə edirlər. Bu xəbərimdə sizlərlə bir neçə uzun ətəkli geyim nümunələri paylaşmaq istəyirəm. Ümid edirəm ki, zövqünüzə uyğun geyimlər olacaq. Buyurun..
Bu ətəklə istədiyiniz koftanı geyinib özünüzü rahat hiss edə bilərsiniz. Bu geyim tərzi də çox sadə və rahat görünür.
Bir çox xanımımız bu geyim nümunəsini bəyənməyəcək amma qeyri-adiliyi sevən xanımlarımız var. Ətək həqiqətən də fərqli modeldədir.
Bu geyim tərzi isə hicablı xanımlarımız üçündür. Bu il ağ-qara zolaqlı paltarlar dəbdədir. Açıq rəngli yaylıq isə geyimi tamamlayıb.
Qara və bej rəngin qarışığı həmişə uğurlu seçimdir. Bu geyim tərzi hər qadının zövqünə uyğun ola bilər.
Yayda daha çox açıq rənglərə üstünlük verilir. Ağ rəngli köynək, yaşılın açıq çaları, qəhvəyi rəngli çanta və qəhvəyi eynək uyğun kombinə olunub.
Bəzən sarı rəngin də öz yeri var. Ətəyin üzərindəki naxışlar, ona uyğun kəmər, ətəyin aşağı hissəsi cazibədar bir görünüş yaradıb.
Məncə bu geyim tərzini gənc xanımlarımız daha çox bəyənər.
Ağ və qəhvəyi rəngin kombinəsi az rastımıza çıxsa da bu geyim nümunəsində gözəl görünür. Xüsusilə də kəmər ətəyi daha da tamamlayıb.
Ağ-qara rəng həm qışda, həm yayda dəbdə olur. Ümumiyyətlə heç vaxt dəbdən düşmür, uğurlu seçimdir.
Bu geyim nümunəsi özünə güvənən xanımların seçimidir, çünki bu ətək arıq və hündür boylu xanımlarımız üçündür.
Bu geyim isə daha eleqant və şıq görünür.
XƏBƏR LENTİ
- ŞƏRHLƏR