Məşhur amerikan modelyer Vera Vanq iyunun 27-də özünün 65 yaşını qeyd etdi. Onun adı dəbdəbəli toyların gəlinliklərini hazırlamaqla məşhurlaşıb. Onun gəlinliklərini geyinmək hər bir qızın arzusudur.
Vera Vanq 1949-cu ildə Nyu-Yorkda anadan olub. Düzdür, onun artıq 65 yaşı var, lakin fəal həyat tərzi və fiqurlu konkisürmə ilə məşğul olması onu yaşından daha gənc görünməsinə səbəb olub. Müsabiqələrdə daim 1-ci yer tutmasına baxmayaraq, peşəkar idmandan tez ayrılıb və 16 il "Vogue" jurnalında redaktor işləyib. 1985-ci ildə jurnaldan ayrılaraq 2 il "Ralph Louren" şirkətində dizayn şöbəsinin müdiri işləyib. 1989-cu ildən bütün nişanlı qızların xəyal etdiyi gəlinlikləri hazırlayaraq öz biznesini qurub.
Gəlinlik modelləri işləyib hazırlama ideyası onda biznesmen Artur Bekkerə ərə getməyə hazılaşan zaman yaranıb. O, ən məşhur dizaynerlərin gəlinliklərini bəyənmir və öz gəlinliyini hazılayan zaman müxtəlif eskizlər də yaratmağa başlayır. O gündən bəri onun gəlinliklərini məşhurlar öz toylarında geyinməyə başladılar.
Viktoriya Bekhem
Cəmi 29 qonağın iştirak etdiyi Devid Bekhem və Viktoriya Adamsın toy mərasimində xüsusi eskizlərlə hazırlanmış kölgəli atlas gəlinlik gələn qonaqları heyrətləndirmişdi. Planetin ən məşhur cütlüyünün toyu 1999-cu ildə irlandlılara məxsus Lutterlloun sarayında keçirilmişdi. Toy iştirakçılarının yaddaşına Viktoriyanın 6.5 metr uzunluğu olan atlas şleyfi həkk olunub. Belə ki, Vera Vang Bekhemlərin toyundan sonra Antonio Beraredidən bənövşəyi kölgələrlə paltar və frak sifarişi aldı.
Cennifer Lopez
2004-cü ildə Cennefer Lopez gələcək həyat yoldaşı olacaq Mark Antoniyə öz sədaqət andını içən zaman onun əynində Vera Vangın kaskadlı krem rəngli gəlinliyi var idi. Bu gəlinlik Neil Lanenin 7 milyon dollarlıq zərif almaz və brilyantlarları ilə bəzədilmişdi.
Hilari Daff
ABŞ-ın eks-prezidentinin qızı 2010-cu ilin avqustunda keçirilən toyu üçün Vera Vanga 2 paltar hazırlatmışdı. Kilsəyə fil sümüyü rəngli qolsuz, ətəyi orqanza, belində gümüşü və güpürlü kəməri olan eleqant gəlinliklə daxil oldu. Yemək zamanı isə yunan ilahələrinin geyimini xatırladan kürəyi xaçlı tül gəlinlik seçmişdi.
2009-cu ildə Vera Vang İvankanın xahişi ilə Qreys Kellinin gəlinliyindən ilham alaraq möhtəşəm bir libas ərsəyə gətirmişdi. "Güpürlü qollar gəlinliyə ciddi və eleqant görünüş verir" - deyə dizayner özü bu gəlinliyi belə xarakterizə edir.
Vera Vangdan olan gəlinliklər sadə olduları qədər də dəyərlidir.
Paltarların qiyməti 2000 dollardan yüksəkdir.
Bu nümunələr "Hər şey toy üçün" kolleksiyasındandır.
XƏBƏR LENTİ
- ŞƏRHLƏR