Qax rayonu Azərbaycanın ən qədim, zəngin tarixi keçmişə malik bölgələrindən biridir. Qax Azərbaycanın şimal-qərbində, 1494 km2 ərazidə yerləşir.Əhalisi 54,2 min nəfərdir, 77,0 %-ni azərbaycanlılar, 14,0 %-ni ingiloylar, 5,0 %-ni saxurlar, 1,0 %-ni ləzgilər və 3,0 %-ni digər millətlərin nümayəndələri təşkil edir. 1 şəhər və 58 kənd vardır.
Qaxın gəzməli-görməli yerləri, göz oxşayan təbiəti var.
Ulubaşın zirvəsi qar.
Əl uzatsan,əlmi çatar?!
Durna ötər qatar-qatar.
Baxan deyər bir də baxım.
Nə gozəldir mənim Qaxım!
Qartal süzür dağ başında,
Hər qayanda,hər daşında.
Tarixin var min yaşında.
Baxan deyir bir də baxım.
Nə gözəldir mənim Qaxım!
Qax ərazisi zəngin tarixə malikdir, belə ki e.ə. VII əsrin əvvəllərində Qaxın ərazisi Skif çarlığının tərkibinə daxil olmuşdur. B.e.ə IV minillikdən insanların yaşayış məskənləri olmuş Qax rayonunun ərazisi zəngin abidələr diyarıdır.
Ulu körpü
Kürmük kilsəsi və ya “Aya sitayiş” məbədini,Hacı Tapdıq və Şeyx Yunis Əmrə məqbərəsini, Şeyx Mahmud Əfəndinin evini,Ulu Məscidi göstərmək olar.
Beşbulağın suyu buz tək.
Süfrəmizdə halal çörək.
Sarıbaşda bir lövhə çək.
Görən desin bir də baxım.
Nə gözəldir mənim Qaxım!
Qax rayonunun daha bir özəlliyi müalicəvi suları ilə də zəngin olmasıdır. İlisu və Sarıbaş kəndləri yaxınlığındakı və Hamam çayı boyunca yerdən qaynayaraq çıxan bulaqlar var.Bu bularlar qədimdən xalq təbabətində bəzi xəstəliklərin qarşısını almaq üçün istifadə edirdilər.Qax rayonunun bir çox kəndlərində mineral sular, istirahət və müalicə pansionatları vardır. Qaxın çox gözəl, içməli bulaqları, şəlalələri var. Ballı bulaq, Səngərbulaq, Hamambulaq, Qaşqaçay kəndindəki Gövrüc bulaq buz kimi suyu ilə insanın ürəyinə sərinlik verir. Bu bulaqlardan biri də Beşbulaqdır.
İlisu kəndindəki Ramramay şəlaləsinin hündürlüyü 25 metrdir.
Ləkit kəndində öz unikallığı ilə seçilən Mamırlı şəlalə var. Bura çıxmaq çox çətindir.
Qışda bu şəlalə xüsusilə gözəl olur.
Qax görkəmli şəxslər diyarıdır. Danyal Sultan, Şeyx Mahmud Əfəndi, Müslüm Maqomayev, İmam Mustafayev, İsmayıl Dağıstanlı, Gəray Fəzli bu torpaqların yetirməsidir.
Bol məhsullu çöllərinə heyranam.
Zəhmətsevər əllərinə heyranam.
Dostlar,gəlin indi baxın
dəyişibdir hüsnü Qaxın.
Baxan deyir bir də baxım.
Nə gözəldir mənim Qaxım!
XƏBƏR LENTİ
- ŞƏRHLƏR