Sirkə balı korladığı kimi, bədxasiyyət də insanın əməllərini korlayır.
İzahı: Həqiqətən də insan bədxasiyyət olsa, o yaxşı əməllər etsə də, insanların könlünü qırdığına, acı sözlərlə qarşısındakını incitdiyinə görə yaxşı əməlləri də heçə getmiş olar.
Saçın çallaşması ( qismən ağarması) başın qabaq hissəsində olsa-xoş nişanədir, yanaqların müqabilində olsa- səxavətdir, kəkildə və hörükdə olsa- şücaətdir, arxa tərəfdə olsa- bəd nişanədir.
Nəbadə borc alasınız, borc şərəfsizlikdir.
İzahı: Borc istəyən adam öz abrını tökür, öz mənliyini və şərəfini qismən itirir.Ona görə də o Cənab (S) borc istəməkdən müsəlmanları çəkindirir ki, imkan daxilində bu işə getməsinlər.
Ey ticarətçilər, başınızı bir qaldırın, sizin üçün düz yol aydınlaşdırılıb.Doğru danışmayanlar Qiyamət günü günahkar çıxacaqlar.
İzahı: Yaxşı olmayan malı yalandan tərifləyənlər ,malın eybini gizlədənlər, qiymət barəsində yalandan and içənlər Qiyamət günündə günahkar hesab olunub, cəhənnəm cəzasına məhkum olacaqlar.
Şəxs söz danışarkən bir kimsə asqırsa, bu, onun sözünün həqq olduğuna şəhadət vermək deməkdir.
İzahı: Elə bu hədisin nəticəsidir ki, el arasında deyirlər: Bu da Tanrı şahidi.
Sizə tapşırıram əfv etməyi. Əfv etmək bəndəyə izzətdən başqa bir şey artırmaz. Əfv edin ki, Allah-təala sizi əziz etsin.
İzahı: İnsanların günahlarından keçmək, onları bağışlamaq yüksək əxlaqi keyfiyyətdir. Bununla hər kəs öz şənini və ehtiramını ucaltmış olur. Əgər şəxs, günahkara cəza vermək imkanı olduğu halda ,onun günahından keçərsə, bu onun ən alicənab xisləti olar.
Əqiq qaşlı üzük taxın.O, sizin barmağınızda olduğu müddətcə sizə dərd-qəm üz verməz.
İzahı: Əqiq müxtəlif rənglərdə olur- qırmızı, darçını, qəhvəyi ,sarımtıl, boz hətta qara rəngdə də təsadüf edilir. İnsandan sıxıntını, kədəri uzaqlaşdıraraq sahibinə qəlb sevincliyi bəxş edir.
Dirhəmləri yığ cəm elə ki, sənə don geydirər və çörək yedirər.
İzahı: qəpik manat əmələ gətirir. Qəpiyinin qədirini bilsən mal- mülk və sərvətə sahib olarsan. Pulun bapbalaca boyu var, amma nə böyük işlər görməyə qadirdir.
Xudpəsəndlikdən qorxulu bir tənhalıq yoxdur.
İzahı: Xudpəsənd adamlar özlərindən başqa heç kəsi bəyənmirlər. Hamıya alçaq nəzərlərlə baxırlar. Bu səbəbdən də heç kəslə ülfət tapıb, ünsiyyət qura bilmədiklərindən tənha qalırlar.
XƏBƏR LENTİ
- ŞƏRHLƏR