Bu resept üçün sac içi yeməklərdən ilhamlanmışam. 
Bildiyiniz kimi pəhriz saxlayərkən dadsız, duzsuz yeməklərə məhkum oluruq. Amma bəzən az kalorili, fərqli dadlarla özümüzü mükafatlandırmağı bacarmalıyıq. Məsələyə bir də “Evdə əlimə nə keçdisə-o” prinsipi ilə yanaşıb dadlı-ləzzətli bir şeylər hazırlamaq sizdən çoxt əziyyət tələb etməyəcək.
Bu reseptin içinə atacağınız ərzaqların siyahısı bir də sizin zövqdən aslıdır. Məsələn mən demək olar ki bişirdiyim yeməklərin əksəriyyətinə sarımsaq, bibər, göyərti əlavə edirəm.
Şəkildə gördüyünüz yemək üçün isə istifadə etdiklərim bunlar idi:
Ət
Badımcan
Kartof
Pomidor
Bibər
Soğan
Sarımsaq
Göyərti
Duz-istiot
İlk öncə ət məsələsinə gələk.
Təbii ki, istənilən ətdən istifadə edə bilərsiniz. Mal və qoyun əti üçün əvvəldən bir az qaynatmağınız lazımdır. Sadəcə olaraq kalorisiz yemək məqsədimizi unutmadan qeyd edim ki, ən yaxşısı kənd cücəsidir. Mən əksər hallarda məhz cücə ətinə üstünlük verirəm, amma bu şəkildəki təsadüfən hinduşka əti oldu.
Əti bir az pörtüb sobaya düzdüm. Kartoflar öz həyətimizdən olduğu üçün (Nə qədər xırda kartof seçsəniz bir o qədər estetik təqdimat olacaq süfrəyə) qabığını soymadan istifadə etdim. Sadəcə yaxşı yuyulmasına diqqət edin. Badımcana da ətraflarında yer etdim.
Mən 1 x.q zeytun yağı ilə tavanı yağlayıb əti, badımcanı, kartofu əlavə edib sobaya verdim. Istəyən yağı çoxalda bilər. Quru olmamağı üçün arada ya adi qaynanmış su, ya da əti qaynatdığınız sudan əlavə edə bilərsiniz. Amma buxar yaratmaq üçün, yoxsa ki, bozbaş bişirmirik
Bişməyinə az qaldığını görüb “Quru sous” adı verdiyim qarışımı üstünə əlavə etdim.
Bu sous necə düzəldi?
Bir qaba soğan, sarımsaq, göyərti, bibər doğrayıb ağzını örtdüm. Onlar bir müddət bir-birləri ilə dad alış-verişi etdilər. Sonra sobadakı tavaya pomidorları da əlavə edib bu qarışımı üzərinə tökdüm. Bibərlərin yumrularını doğranmış, uzunlarını isə bütöv formada istifadə etdim.
Bu yeməyin dadından əvvəl ətrinə valeh olacaqsınız 
Nuş olsun!
XƏBƏR LENTİ
- ŞƏRHLƏR