Nişan : Od
  Planet : Mars
  Xüsusiyyət : Sabit(liderlik)
  Uğurlu rəqəm : 1 və 9
  Uğurlu gün : Çərşənbə günü
  Uğurlu heyvan : Qoç, qoyun
  Uğurlu daş : Yaqut
  Uğurlu rəng : Qırmızı

   Xasiyyətnamə :
   Qoç bürcündə doğulanlar qüvvətli və çevik olurlar. Kişilərin və qadınların ümumi cəhətləri, nikbinlik, şöhrət, tez qızışmaq, özündən razılıq, şişirtməyə meyllilikdir. Bəzən hətta təcavüzkar, nəzakətsiz olmaları ilə seçilirlər. Başqalarının mənafeyi və iradəsi ilə hesablaşmırlar. Hərəkət etməyi, iş görməyi xoşlayırlar. Onlarda ədalət hissi güclü olsa da, səbirsiz, hövsələsiz olduqlarından tez-tez çətin vəziyyətə düşürlər. Bu bürc altında doğulan kişilərin həyatlarının mənası işləməkdir. Amma tez qızışan, kobud olduqlarından ailəcanlı olmurlar.

   Qoç bürcü altında doğulan qadınlar kişi ixtisaslarına tez yiyələnirlər. Nigahda ağalıq etməyə, kişidən üstün olmağa çalışırlar.

  Nişan : Yer
  Planet : Venera
  Xüsusiyyət : Sabit
  Uğurlu rəqəm : 4 və 6
  Uğurlu gün : Cümə günü
  Uğurlu heyvan : Buğa
  Uğurlu daş : Zümrüd
  Uğurlu rəng : Mavi

   Xasiyyətnamə :
   Buğa bürcü atındə doğulanlar emosional təbiətli olurlar. Onlar ayıq zəkalı olub maddi nemətləri xoşlayır, həm də bir qədər bəd xərc olurlar. Rahatlığa can atırlar. Cah-cəlal, toy-bayram, dəb, təmtəraq "xəstəsi" olurlar. Hər şeydən zövq almağı sevirlər.

   Bu bürc altında dünyaya gələnlər,xırda məsələlərdə inancıl olsalar da, ümumən sakit və səbirli xarakterə malik olurlar. Böyük nüfuzlu şəxslərlə ünsiyyətdə olmağı xoşlayırlar.

   Buğa bürcündən sayılan qadınlar gözəl əşyaları, gül-çiçəyi, bər-bəzəkli paltar geyinməyi daha çox xoşlayırlar. Sevdiklərini "var-yoxdan" çıxarırlar )) Qadınlar, adətən, qısqanc olurlar. æox zaman ürəkdən vurğunu olduqları adamlara belə sadiq qalmırlar.

  Nişan : Hava
  Planet : Merkuri
  Xüsusiyyət : Dəyişkən
  Uğurlu rəqəm : 5 və 9
  Uğurlu gün : Çərşənbə axşamı
  Uğurlu heyvan : Kəpənək
  Uğurlu daş : İnci
  Uğurlu rəng : Sarı, narıncı

   Xasiyyətnamə :
   Əkizlər bürcü altında doğulanlar çox ağıllı olub, hər şeyi bilməyə həvəs göstərir, şəraitə asanlıqla uyğunlaşırlar. Bununla belə, onlar bir qədər əsəbi olurlar. Bu bürc altında doğulanlar yaxınlarını daim nigaran qoyurlar. Onlarda sevilməyə, qayğı və nəvazişə böyük tələb var. Tənhalıqdan vahimələnirlər. Ən maraqsız və dəyərsiz adamları belə dəyərləndirməyə çalışırlar.

   Bu bürc altında dünyaya gələn qadınlar gözəl, ağıllı, diribaş, hazırcavab olurlar. Onlarla bir yerdə olan darıxmaz. İnsanlarla tez ünsiyyət tapmağı və istənilən məsələdən söhbət açmağı bacarırlar. Bu qadınlar nigahda kişilərə bənzəyir, yoldaşlarına yaxşı köməkçi olurlar.

  Nişan : Su
  Planet : Ay
  Xüsusiyyət : Sabit
  Uğurlu rəqəm : 3 və 7
  Uğurlu gün : Bazar ertəsi
  Uğurlu heyvan : Dəniz heyvanları
  Uğurlu daş : Mirvari
  Uğurlu rəng : Dəniz mavisi, ağ

   Xasiyyətnamə :
   Xərçəng bürcü altında doğulanlar daha çox açıq xasiyyətli, xəyalpərəst olurlar. Xarakterləri ucbatından bəzən çətinliklərlə üzləşirlər. Amma həmişə özlərinə qarşı təlabkar olurlar. Bu bürc altında dünyaya gələn kişilər yalnız özlərinə bəlli olan qanunlar əsasında yaşayırlar. Başqaları üçün cüzi, əhəmiyyətsiz olan bir məsələ onlardan ötrü az qala "qlobal problemə" çevrilir. Buna görə də, çox zaman başqalarını qıcıqlandırır və münaqişəyə girirlər.

   Xərçəng bürcü altında doğulan qadınlar həssas, kövrək, fədakar olurlar. Onlar vəfalı ömür-gün yoldaşı, gözəl ana olmaları ilə seçilirlər.

  Nişan : Od
  Planet : Günəş
  Xüsusiyyət : Sabit
  Uğurlu rəqəm : 6
  Uğurlu gün : Bazar günü
  Uğurlu heyvan : Aslan
  Uğurlu daş : Sarı sapfir
  Uğurlu rəng : Sarı, narıncı

   Xasiyyətnamə :
   Şir bürcündə doğulanlar hökmlü və daxili aləmləri zəngin olur. Çox böyük daxili qüvvə sahibi olsalar da, tez qızışan olurlar. Nə qədər çətinliklərə rast gəlsələr də, təbii şuxluqlarını nadir halda itirilər. Adamlardakı xainlik onları hər şeydən artıq heyrətləndirir. Var-dövləti sevir, həmişə vəfalı dost olmağa çalışırlar. Qonaqpərvərliyə meyl göstərən bu adamlar, çox vaxt israfçılıqları səbəbindən müflisləşirlər.

   Bu bürc altında doğulan qadınlar məhəbbətdə səmimi, hərarətli, səxavətli olub, dolaşıq sevgi macəralarını xoşlamırlar. Təsadüfi əlaqələrdən qaçırlar. Kişi məclislərini üstünlü verirlər. Sevdikləri adama qarşı çox tələbkar olub, xəyanəti bağışlamırlar. Gözəl ana və evdar qadın olurlar.

  Nişan : Yer
  Planet : Merkuri
  Xüsusiyyət : Dəyişkən
  Uğurlu rəqəm : 6
  Uğurlu gün : Çərşənbə axşamı
  Uğurlu heyvan : Ev heyvanları
  Uğurlu daş : Sapfir
  Uğurlu rəng : Sarı, yaşıl

   Xasiyyətnamə :
   Qız bürcü altında doğulanlar hər işdə aydınlıq, dəqiqliyin olmasını istəyirlər. Nadir hallarda ehtirasa qapılırlar. Qayda qanuna, səliqə-səhmana əməl etməyi xoşlayırlar. Biliklərini daim dərinləşdirməyə və genişləndirməyə çalışırlar. Adətən uzun ömür sürürlər.

   Qız bürcü altında dünyaya gələn qadınlar isə cazibəli olsalar da, səbrləri çatışmır. Maraqlaşmağı xoşlayırlar. Amma son məqamda geri çəkilirlər. Utancaqlıqdan demək olar ki, həmişə əzab çəkirlər.

  Nişan : Hava
  Planet : Venera
  Xüsusiyyət : Sabit(liderlik)
  Uğurlu rəqəm : 6 və 9
  Uğurlu gün : Çərşənbə axşamı
  Uğurlu heyvan : Sürünənlər
  Uğurlu daş : Zümrüd
  Uğurlu rəng : Mavi, səma rəngi

   Xasiyyətnamə :
   Tərəzi bürcü altında doğulanlar yumşaq xasiyyətli, parlaq zəkalı olurlar. Təmkinli olmaları ilə başqalarından seçilirlər. Həyatın nəbzini tutmağı bacarırlar. Dava-dalaşı, qan-qaralığı, gərginliyi xoşlamırlar. Rahatlığı hər şeydən üstün tuturlar. Xoşrəftar, nəzakətli, mehriban olduqlarından cəmiyyətdə sevilirlər.

   Bu bürc altında dünyaya gələn qadınlar nəvazişli, şıltaq olurlar. Onlar yuxudan gec durmağı xoşlayır, zinət əşyalarını, bər-bəzəyi, dadlı yeməkləri sevirlər. Onların başlıca məşğuliyyəti məhəbbətdir. Sevmək və sevilmək onların yeganə arzusudur. Tez hirslənib göz yaşı axıdırlar. Ərköyün olsalar da, uşaq kimi mehriban və xeyirxahdırlar.

  Nişan : Su
  Planet : Pluton
  Xüsusiyyət : Sabit
  Uğurlu rəqəm : 2 və 4
  Uğurlu gün : Çərşənbə axşamı
  Uğurlu heyvan : Əqrəb
  Uğurlu daş : Topaz
  Uğurlu rəng : Tünd qırmızı

   Xasiyyətnamə :
   Əqrəb bürcü altında doğulanlar güclü xarakterə malik olurlar. İlk baxışda onların uğur qazanması üçün gərəkli olan hər şeyə sahibdirlər. Enerji, diribaşlıq qüvvətləri vardır. Onlar çox əsəbi olurlar. İşdə və borclarını yerinə yetirməkdə iradəlidirlər. İstəyə çatmaq üçün hər vasitəyə əl atmağı bacarırlar. Müstəqillik onlara hər şeydən əzizdir.

   Bu bürc altında doğulan qadınlar iki tipli olur. Birinci tip qadınlar temperamentli, örtülü, ikinci tip isə həqiqətən də başa bəla açan qadınlardır. Birinci tip qadınlar, asta danışır, paltara xüsusi əhəmiyyət vermirlər. İşvəkar deyillər. İkinci tip qadınlar işvəli, həssasdırlar. Hər işə qarışırlar. Çox xətalı olurlar. Hər yerdə narahatlıq yaradırlar. Kişiləri var-yoxdan çıxmaq dərəcəsinə çatdırırlar.

  Nişan : Od
  Planet : Yupiter
  Xüsusiyyət : Dəyişkən
  Uğurlu rəqəm : 5 və 7
  Uğurlu gün : Cümə axşamı
  Uğurlu heyvan : At
  Uğurlu daş : Ləl
  Uğurlu rəng : Yasəmən

   Xasiyyətnamə :
   Oxatan bürcü altında doğulanlar təmkinli, fəal olurlar. Kişilər qadınların xoşuna gəlirlər. Kişilər cəsur, sərbəst olub igidlik göstərməyə, sınaqlardan keçməyə üstünlük verirlər. Şux və mehriban xasiyyətlərinə baxmayaraq bəzən imkanlarından çox-çox uzaq olan zirvələrin həsrəti ilə yaşayırlar. Yer onlara kiçik görünür, bəzən hətta nə istədiklərini də bilmirlər. Həyatları, ömürləri qısa olur.

   Bu bürc altında doğulan qadınlar iki tipdə olurlar. Nigaha və ailə həyatına çox böyük çətinliklə uyğunlaşırlar. Sərbəstliyi xoşlayırlar. Uğur qazanmağı bacarırlar. İkinci tipdən olan qadınlar müstəqil düşüncəli, kübar və azad qadınlardır. Hər işi məharətlə görməyi bacarırlar. İstedadlı insanları sevirlər.

  Nişan : Yer
  Planet : Saturn
  Xüsusiyyət : Sabit(liderlik)
  Uğurlu rəqəm : 2 və 8
  Uğurlu gün : Şənbə günü
  Uğurlu heyvan : Buynuzlu heyvan
  Uğurlu daş : Firuzə
  Uğurlu rəng : Tünd yaşıl

   Xasiyyətnamə :
   Oğlaq bürcü altında doğulanlar ağıllı, tərs, inancıldırlar. İstər fiziki, istərsə də mənəvi cəhətdən dözümlüdürlər. Real həyatla yaşayır, işləməyi bacarır və xoşlayırlar. Var qüvvə ilə uğur qazanmağa can atır, addım-addım, pillə-pillə məqsədə yaxınlaşır, nəticədə istəklərinə nail olurlar. Bu bürc altında doğulanlar həmişə hörmət qazanırlar. Amma çox qapalı olduqlarından onlarla açıq söhbət etmək biraz çətindir. Ənənəni,ədəb-ərkanı, sabitliyi xoşlayırlar. Məqsədsiz qərar qəbul etmir, tez qızışan və ehtiyatsız iş tutan deyillər. Zahirən qayğısız görünsələr də, daxilən öz tənhalıqlarından əzab çəkir və ətrafda olanların rəğbətini qazanmaq istəyirlər. Çox vaxt həssas və utancaq olur, lakin bunu böyük səylə gizlədirlər.

   Qadınları parlaq zəkalı, güclü yaddaşlı olurlar. Həyatlarının ikinci yarısı birinci yarısından xoş keçir. Evlənmək qərarına gəlsələr də, çox gec ailə qururlar.

  Nişan : Hava
  Planet : Uran
  Xüsusiyyət : Sabit
  Uğurlu rəqəm : 1 və 7
  Uğurlu gün : Çərşəmbə axşamı
  Uğurlu heyvan : Böyük quşlar
  Uğurlu daş : Firuzə
  Uğurlu rəng : Mavi

   Xasiyyətnamə :
   Dolça bürcündə doğulanlar təbiətcə emosional, həssas olurlar. Bu bürc altında doğulanlar öz insaniyyətləri sayəsində əlçatmaz olurlar. Onlar dərdə şərik olur və çətinliyə olanlara əllərindən gələn köməyi etməyə çalışırlar. Dolçalar təvazökar olur, nadir hallarda başqalarına ağız açırlar. Onların həyatı uğursuz ola bilər, amma heç bir zaman maraqsız olmaz. Zənginliyi də, yoxsulluğu da, parlaq uğuru və faciələrin də, maraqlı görüşləri və məyusluqları da həyatda görəcəklər. Bəzən onlara elə gələcək ki, məhv olub getmişlər, amma tale onlara umid verəcəkdir.

   Dolça bürcü altında doğulan qadınlar çox cazibədar olurlar. Onlarla vaxt heç zaman darıxdırıcı olmur. Doğulma tarixləri bu bürclə bağlı olan qadınlar incə, zərif olur, yaxşı rəqs edirlər. Söhbətləri maraqlı və şirin keçir. Ərə tez gedir, amma nadir hallarda xobəxt olurlar, çünki məhəbbətləri qarşı tərəfin məhəbbətindən güclüdür.

  Nişan : Su
  Planet : Neptun
  Xüsusiyyət : Dəyişkən
  Uğurlu rəqəm : 2 və 6
  Uğurlu gün : Cümə günü
  Uğurlu heyvan : Keçi
  Uğurlu daş : Mirvari
  Uğurlu rəng : Yaşıl

   Xasiyyətnamə :
   Balıqlar bürcü altında doğulanlar incə intuasiyalı olmaqla yanaşı, daim bir narahatlıq hissi də keçirirlər. Onlar daha çox humanizm və fədakarlıq rəmzi kimi tanınırlar. Mənən zərif, ağıllı olmaları ilə seçilirlər. Uzağı görmək bacarıqları ilə ətrafdakıları heyran qoyurlar. Bu bürc altında doğulanlar rahatlığı, səliqə-səhmanı xoşlayırlar. Əliaçıq, qonaqcıl olurlar. Ədalətli, səmimi, mehriban olmaq onların əsas həyat prinsiplərindəndir.

   Bu bürc altında doğulan qadınlar zərifliyi ilə fərqlənirlər.Onlar sevimli və cazibədar olub cah-cəlalı, rahatlığı, gözəlliyi sevirlər.Daxili aləmləri də çox zəngin olan bu qadınlarla ailə qurmaq, hər bir şəxsə səadət, xoşbəxtlik gətirir.