P vitamini nədir
P vitamini bədəndəki damarların quruluşunu qoruyur. Təbiətdə saf halda sarı rəngdə yayılıb. Suda həll olur. C vitamininə oxşar xüsusiyyətləri var. Çatışmazlığı zamanı əzələlər və baldırlarda kramplar meydana gəlir. Eyni zamanda şişmə, damarlarda yırtılma halları müşahidə edilir.
Bilinməyən faydaları
- P vitamini dərinin elastikliyini təmin edər, şəkər xəstəliyi ilə bağlı problemlərin, hemeroid, varis, diabetik qanaxmaların, diş əti qanaxmalarına fayda verər.
- Soyuqdəymə zamanı C vitamini ilə birlikdə təsirlidir. C vitamini okside olmaqdan qoruyar, C vitaminin təsirini artırar.
- Oynaqlarda şişməyə və iltihaba, astmaya və alergik hallara faydası var.
- D vitamini ilə birlikdə menapozda, beyin qanaxmasında, radiyasiya təsirlərini azaltmaqdan faydalı olduğu düşünülür.
- P1 vitaminin təzyiqi salıcı təsiri var və qüvvətli antioksidantdır.
Yaşlanmanı gecikdirir
P vitamini dəridəki kollageni də qoruyaraq yaşlanmanı gecikdirir. Yaşlandıqda bədəndə kollagen istehsalı azalır. Gənc görüntünü təmin edən maddə sayılır.
Hansı ərzaqlarda P vitamini var?
Kahı, təzə bibər, yer fıstığı, yumurta, kividə, soğan, quşburnu, ispanaq, kələm, yaşıl çay, limonda P vitamini var.
XƏBƏR LENTİ
