Daim xəstələnmək, halsızlıq və yorğunluq immunitet sisteminizin zəifliyinə işarə edə bilər. Sağlam qidalanma və nizamlı məşq kimi görülən bir neçə tədbir ilə immuniteti gücləndirmək mümkündür.
İmmunitet
İmmunitet sisteminin sağlam işləməsi bir çox amilə bağlıdır. Doğuşdan gələn bəzi immunitet çatışmazlıqları olduğu kimi, bəzi ekoloji faktorlarla birlikdə də sistemin səmərəliliyi azalır. Xüsusilə kafi və balanslı qidalanma, ruhi və ya fiziki stress, yuxusuzluq, bəzi xəstəliklər və immunitet təzyiqləyici dərmanlar bu sistemin tarazlığını poza bilər. Ruhi stress, immuniteti ən çox aşağı salan amillərdən biridir. Stress yaradan amillərə nəzarət etmək mümkün olmasa da, stressə səbəb olan hadisələrə baxışımızı dəyişmək faydalı ola bilər.
Tez-tez xəstələnirsinizsə;
Sağlam bir immunitet sisteminə malik insanlar ekoloji faktorların təsirilə tezliklə xəstə olmazlar, immunitet sistemi zəiflədiyi zaman zərərsiz görünən mikrob xəstəliklərin də ölümlə nəticələnməsi ola bilər. Başqa sözlə, təkcə hansı mikrobla qarşılaşıldığı deyil, immunitetin necə reaksiya verdiyi də keçirilən xəstəliklərin şiddətini müəyyən edir.
Xəstəlikdən sağalmamaq vacib bir səbəbdir
Qrip və soyuqdəymə kimi xəstəliklərdə adətən 1-2 həftə ərzində yaxşılaşma görülməkdədir. Ancaq immunitet sistemi güclü olmayan insanlarda bu xəstəliyin müddəti uzana bilər. Yaşlılarda, diabetli xəstələrdə, altda yatan böyrək, ürək və ya tənəffüs sisteminə aid xroniki xəstəliyi olan insanlarda daha ağırola bilər. Bununla yanaşı sətəlcəm kimi xəstəliklərə də səbəb ola bilər.
Yaralar əhəmiyyətli bir göstəricidir
Orqanizmin müxtəlif bölgələrində görülən və təkrarlayan yaralar da immunitet sistemində bir zəiflik olduğu mənasına gəlir. Bu vəziyyətdən xilas olmaq üçün mütləq bir mütəxəssisə müraciət edilməli və immunitetin möhkəmləndirilməsi üçün uyğun bir müalicə planı yaradılmalıdır. İmmunitet sistemi zəifləməyə başladığı anda xəstəlik faktorları insan orqanizminə daha asanlıqla girirlər. Xəstəlik keçirmə təhlükəsi olan mikroorqanizmlər müdafiə sistemini keçə bilirlərsə, müəyyən reaksiyalar başladaraq yayılmağa çalışırlar.
Güclü immunitet üçün qaranlıqda saglam yuxu önəmlidir
Əhəmiyyətli olan, uzun müddət yatmaq deyil, “keyfiyyətli” yatmaqdır. Keyfiyyətli bir yuxu da immunitet sisteminin sağlam işləməsi üçün əhəmiyyətlidir. Beyindən ifraz olunan “melatonin” hormonunun, yuxu nizamını təmin etməsindən başqa, immunitet üzərində də təsir etdiyi güman edilir. Bu hormonun ifrazatı gecənin erkən saatlarında qaranlıq düşəndən sonra başlayır, saat 02.00 kimi ən yüksək səviyyəyə çatıb təkrar azalır. Bu səbəblə yuxuya getmə saatını mümkün qədər ləngitməməli, ən gec saat 23.00 kimi yuxuya keçilmiş olunmalıdır. Melatonin hormonu qaranlıqda ifraz olunduğu üçün gecə ərzində yataq otağında işıqların yanılı olmaması, yatılan ərazinin mümkün qədər qaranlıq olması məsləhət görülür. Gecə yatmadan əvvəl bilgisayar/tablet istifadə etmək, televiziya izləmək də, melatonin hormonunun ifrazatını poza bilər.
İmmunitet sisteminizə güc qatın
Tək tip qidalanmayın. Hər qrup qidadan balanslı bir şəkildə istehlak etməyə diqqət yetirin.
Ən az siqaret qədər zərərli olan tütün məhsullarından (siqaret, tənbəki, qəlyan və s). Uzaq durun.
Zülal mənbəyi kimi heyvansal əsaslı zülallarla bitki zülalları balanslı bir şəkildə istehlak edin.
Çiy meyvə-tərəvəz ilə qidalanın. Meyvə və tərəvəzləri mövsümündə istehlak edin.
Pre və probiyotik-lərdən istifadə edin (ev qatqı, kefir, lifli qidalar).
Düzgün və nizamlı məşq edin.
Bitki çaylarından istifadə etməyi yoxlayın. Bitkilərin hamısı qaynadılmaz, üsuluna uyğun dəm alması lazım olduğunu unutmayın.
Təmizlik maddələrindən həddindən artıq istifadə edərək dərinizin sağlam və normal bakteriya nizamını pozmayın.
Həkim məsləhətindən başqa, xüsusilə antibiotik kimi dərmanlardan istifadə etməyin.
Stressdən uzaq durun. Hər zaman pozitiv düşünün.
Fuad Nəzərov
XƏBƏR LENTİ
- ŞƏRHLƏR