Bir müddət əvvəl Viktroiya Bekhemin öz qızını dodağından öpərkən çəkdiyi şəklini sosial şəbəkədə paylaşması müzakirələrə səbəb olmuşdu. Birmənalı qarşılanmayan foto bir çox izləyicidə narahatlıq doğurmuşdu.
Bəs görəsən psixoloqlar övladını dodağından öpən valideynlər haqqında nə düşünür?
Qadin.Net Milli.Az -a istinadla xəbər verir ki, psixoloqlar valideynlərə azyaşlı övladlarını dodağından öpməyi məsləhət görmür.
Psixoloqların fikrincə bu uşağın öpüşmə ilə bağlı sərhəd anlayışına birbaşa mənfi təsir edir. Uşaq bunun simpatiya göstəricisi olduğunu düşünərək başqalarına qarşı bunu tətbiq etməyə cəhd göstərir və bunun intim hərəkət olduğunu dərk etmir.
Psixoloq Charlotte Reznick bildirib ki, ağız və dodaqlar uşaqların bədənlərinin ən həssas və zərif hissələridir. "Siz uşağı dodağından öpməklə, onun bunu başqasına da icazə verməsinə şərait yaradırsınız", - Charlotte Reznick söyləyib.
Bundan başqa, ekspertlər düşünür ki, uşağı dodağından öpmək gigiyenik cəhətdən də məsləhətli deyil. Çünki, insan ağzında yüzlərlə bakteriya var ki, onlar böyüklər üçün təhlükəli olmasa da, azyaşlılar üçün risklidir.
XƏBƏR LENTİ
- ŞƏRHLƏR