Mursilər Efiopiyanın cənubundakı Omo vadisində yaşayan ən məşhur və populyar tayfalardan biridir. Populyarlığın səbəbi isə alt dodaqlarında böyük gil nəlbəkilər daşıyan mursi qadınlardır.
Qadin.Net Milli.Az -a istinadən bildirir ki, turistlərin və fotoqrrafların axını mursiləri qıcıqlandırır.
"Onlar gəlir, bizi çəkir, komalarımıza soxulur, sürəkli suallar verirlər. Elə bil zooparkdakı meymunlarıq", - mursilər deyirlər.
Buna görə turistlər gələn kimi mursilər onlarla bacardıqxca kobud davranırlar. Üstəlik, mümkün qədər çox bəzək vurub ən yaxşı paltarlarını geyinirlər. Çünki mursi nə qədər əlvan və qəribə geyinibsə, turistdən bir o qədər çox pul alır.
Mursi kişilərin də "Kalaşnikov" avtomatlı olduğunu nəzərə alsaq, pul verməyən turist az olur.
Mursi uşaqlarsa turist görən kimi "You money" ("Sən pulsan") və ya "You birr" qışqırırlar. Bırr Efiopiyanın milli valyutasıdır.
Mursi tayfasında qız 15 yaşına çatan kimi onun alt dodağı kəsilir, iki ön dişi sındırılır və ora kiçik gil lövhə qoyulur. Vaxt keçdikcə lövhənin ölçüləri artır.
Dodaqdakı lövhə nə qədər böyükdürsə, qız ərə veriləndə alınan "süd pulu" o qədər çox olur.
Adət quldarlıq dönəmindən qalıb. Tayfanın ən gözəl, yaraşıqlı qızlarını qul kimi satmağa apardıqlarından dodağa lövhələr vurmaqla qızları evdə saxlamağa çalışıblar.
XƏBƏR LENTİ
- ŞƏRHLƏR