Nazir Ziya Məmmədov Bakı-Tiflis-Qars dəmir yolu xəttindən danışıb
Bakıda “Bakı-Tbilisi-Qars dəmir yolu xətti – Tarixi İpək Yolunun inkişafında yeni imkanlar” beynəlxalq konfransı keçirilir. Tədbiri baş nazirin müavini Abid Şərifov prezident İlham Əliyevin tədbir iştirakçılara müraciətini çatdırmaqla başlayıb.
"Şərq-qərb və şimal-cənub beynəlxalq dəhlizlərin qovşağında yerləşən, əlverişli coğrafi mövqeyə malik Azərbaycan nəqliyyat xidmətlərini inkişaf etdirir, müasir infrastruktur qurur, yük daşımaların idarə olunması, mexanizmini təkmilləşdirir və beynəlxalq nəqliyyat sisteminə inteqrasiyanı genişləndirir.Bu yaxınlarda istifadəyə veriləcək Bakı-Tiflis-Qars dəmir yolu xətti nəqliyyatın inkişafında yeni mərhələnin başlanğıcı deməkdir. Bu xətt multimodal imkanlarını genişləndirəcək, sərnişin və yük daşımaların həcmini artmasını təmin edəcək”.
Bundan sonra Nəqliyyat naziri Ziya Məmmədov çıxış edib. Nazir bildirib ki, Azərbaycanda nəqliyyat sahəsi xüsusi əhəmiyyət kəsb edir. "Son 5 ildə nəqliyyata cəlb edilən ümumi investisiya iqtisadiyyatın digər sahələrinə cəlb edilən investisiyanın 20%-ni təşkil edir”. Onun sözlərinə görə, kəmərin tikintisi 2007-ci il fevralın 7-i Tbilisidə hökümətlərarası sazişin imzalanması ilə başlayıb. Azərbaycan kəmərin Gürcüstan ərazisində tikintisinin aparılması üçün 775 milyon dollar güzəştli kredit ayırıb. 2017-ci ildə ilk sınaq qatarı istifadəyə veriləcək. Yükdaşımanın illik həcmi həmin kəmərin istifadəyə verildiyi ilk 3 il ərzində 3 milyon, 5 il ərzində 5 milyon, 10 il ərzində isə 10 milyon tona çatacaq.
Mənbə: ANS PRESS
XƏBƏR LENTİ
- ŞƏRHLƏR