Azərbaycan Üzgüçülük Federasiyasının 1998-1999-cu il təvəllüdlü idmançılardan ibarət vaterpol milli komandası Brest şəhərində keçirilmiş beynəlxalq turnirin qızıl medallarına sahib olublar. Federasiyanın mətbuat xidmətindən ANS PRESS-ə daxil olan məlumata görə, dairəvi sistem üzrə keçirilən yarışmada Azərbaycan vaterpolçuları ilə yanaşı Polşa, Litva və Belarus idmançıları da iştirak edib.
3 gün davam edən qarşılaşmalarda iki oyunda rəqiblərinə qalıb gəlməyi bacaran Azərbaycan və Polşa vaterpolçuları turnirin qalibi adı uğrunda final görüşü keçiriblər. Gərgin keçən oyun 9-7 hesabı ilə həmyerlilərimizin qələbəsi ilə bitib və Azərbaycan millisi qızıl medallara sahib olub.
Polşalılar ikinci, Belarus vaterpolçuları isə cəmi bir qələbə ilə 3-cü yerlə kifayətləniblər. Bütün oyunları məğlubiyyətlə başa vuran Litva təmsilçiləri isə sonuncu pillədə qararlaşıblar.
Məlumat üçün bildirək ki, Azərbaycan Üzgüçülük Federasiyasının 1998-1999-cu il təvəllüdlü idmançılardan ibarət vaterpol milli komandası avqustun 17-dən etibarən təlim məşq toplantılarına start verib və 7 gün məşqlərin ardından vaterpolşularımız beynəlxalq turnirdə güclərini sınayıblar. Təlim məşq toplantısında 16 idmançı iştirak edib.
XƏBƏR LENTİ
- ŞƏRHLƏR