Dermatoloqların dəmrov diaqnozundan sonra əksər xəstələr hətta depressiyaya qədər gedib çıxır. Çünki bu xəstəlik dərini zədələməklə yanaşı, ən pis halda bütün bədənə yayılır və xəstə uzunmüddətli müalicə prosesini ağrılarla başa vurmağa məcbur olur.
Əksər dermatoloqlar dəmrovun növünə görə keçici olmadığını desələr də, bəziləri bu xəstəliyin təmasla keçə biləcəyi iddiasındadırlar. Məhz bu ayrı fikirlilikdən insanlar arasında da dəmrovlu xəstələrə qorxu ilə baxma, yaxınlaşmama, diksinmə kimi reaksiyalar da az olmur. Azərbaycanda dəmrov çox geniş yayılmış dermatoloji xəstəlikdir.
Dəmrov hər 10 insandan 3-də görünən bir haldır. Yaş və cins fərqi tanımayan xəstəlik ilk görünüşdə civzəyə bənzədiyindən əksəriyyət buna fikir vermir. Bir müddət sonra böyüyərək yayılmağa başlayan dəmrovun izləri artıq ilk siqnalı verməyə başlayır. Xəstəliyin yayılma prosesindən xəbərsiz olanlar olmazları etməyə başladığından dəmrov getdikcə bədənə yayılmağa başlayır. Halbuki, dəmrov günəş şüası, su, və əl təmasından uzaq saxlanılmalı, dərhal həkimə göstərilməlidir.
Dermatoloq Günel Qəmbərovanın sözlərinə görə, dəmrov dərinin qeyri-infeksion xəstəliklərinə aid olub, əsasən dərini zədələyən dermatozdur. Hal-hazırda bu xəstəliyin autoimmun təbiətli olması güman edilir. Vizual olaraq dəridə həddən artıq quru, qırmızı və dəri səthindən qabarmış ləkələr müəyyən olunur. Ləkələr müəyyən olunduqdan sonra isə uyğun müalicə yazılaraq dəmrovla mübarizə başlanılır: "Əslində bütün dəri xəstəliklərini demək olar ki, dəmrov adlandırırlar. Bu xəstəliyi növlərinə görə dəqiq adlandırmaq mümkündür. Ən geniş yayılmışı isə psoriaz, yəni pullu dəmrov və kəmərvari dəmrovdur. Kəmərləyici dəmrovun müalicəsi uzun müddət çəkir. Bu xəstəlik sinir boyunca yerləşdiyindən, sinirin iltihabı gedir. Buna görə də yaşlı insanlar bəzən müalicəyə daha çox vaxt sərf edirlər. Kəmərləyici dəmrov yaxın təmasdan ikinci bir insana keçə bilir. Yan-yana yaraların düzülməsi yarandığı yerdə kəskin ağrıların baş qaldırmasına da səbəb olur. Kəmərləyici dəmrova yaxalananlar şəxsi əşyalarını, əl yaylığı, üz dəsmalı, geyimlərini ayırmalı, mümkün qədər yaxın insanlarla görüşərkən dəmrovlu dəri hissəsini toxundurmamalı, sudan qorumalı, günəşə çıxmamalıdırlar. Pullu dəmrova yaxalananlar da sudan uzaq durmalıdırlar. Çünki su dəmrov pulcuqlarının daha da yayılması üçün əlverişli şərait yaradır, sağalmanı çətinləşdirir".
Dəmrov xəstəliyi, travma, stress, kədər depressiyası və immunitet sistemini salan faktorların olmasından da yarana bilir. Xüsusən kəmərləyici dəmrov virusunu oyandırıb aktivləşdirən səbəb tam olaraq bəlli deyil. Bədənin infeksiyalarla mübarizə aparmasını təmin edən immunitet sistemindəki bir gücsüzlük virusun çoxalmasına və sinir boyunca dəridə yayılmasına səbəb olur. Uşaqlarda da bu xəstəlik görülə bilir, amma yaş etibarilə 50-60 yaş arası insanlarda daha çox müşahidə olunur. Kəmərləyici dəmrov ən çox bədənin kürək, sinə, boyun, bel, qarın, üz, baş və omba bölgələrində ortaya çıxan şiddətli ağrılara səbəb olan bir xəstəlikdir.
Dermatoloq bildirir ki, müalicə almayan insanlar sonradan dəmrovun fəsadları ilə qarşılaşa bilərlər. Bu fəsadlar insan sağlamlığı üçün çox ciddi problemləri də üzə çıxara bilər. Məhz buna görə vaxtında xəstəlik dermatoloq tərəfindən qiymətləndirilməli və müalicəyə başlanılmalıdır: "Ağrılar baş qaldıranda həkimə müraciət edilərsə, vəziyyət ağırlaşmaz. İlk 24 saat içində baş qaldıran ağrılara qarşı yazılan həblər eyni zamanda dəmrovun daha yüngül keçirilməsinə şərait yaradar. Dəridə qabarcıqlar yarandıqdan sonra yenidən ağrıları azaltmaq və dəri qaşıntısının qarşısını almaq üçün həblər istifadə olunmalıdır. Sərin, soyuq kompreslər də ağrını qismən azaldır. Dəri təmiz tutulmalı, yazılan reseptə uyğun məlhəmlər vurulduqdan sonra qabarcıqlar olan nahiyə təmiz saxlanmalıdır. Xəstə mümkün qədər yatmalı və daha sakit şəraitdə dincəlməlidir".
Alimlər hesab edirlər ki, dəmrov virusunun öhdəsindən gəlmək mümkün deyil. Bəşər övladının, demək olar, yüz faizinin orqanizmində bu virus var. Maraqlıdır ki, virus fəal deyil. Sınaqlar müəyyən şəraitdə bu patogenin davamlı və təhlükəli olduğunu üzə çıxarıb. Virusun inkişaf analizi göstərir ki, onun tarixi bütün bəşəriyyətin tarixindən daha uzundur.
Xalq təbabəti ilə dəmrovu müalicə edənlər də az deyil. Yaranmış qabarcıqların üzərinə qara zirəotu yağını çəkmək, bağayarpağı bağlamaq, kağız külündən istifadə etmək geniş yayılmış türkəçarələrdir. Amma dermatoloqlar istənilən halda bu cür türkəçarələrə qarşıdırlar.
İstənilən halda dəri xəstəliklərini özbaşına buraxmaq və məsuliyyətsiz yanaşmaq olduqca təhlükəlidir. Bədənin geyimi sayılan dərini xüsusən yay aylarında quru, təmiz saxlamaq gələcək xəstəliklərdən də sığortalamaq deməkdir.
XƏBƏR LENTİ
İçi doldurulmuş kartof(video-resept)
Kənan İmirzalıoğlu tanınmaz hala düşdü - Foto
Mükəmməl ata olmaq üçün...
2013-2014-cü il payız-qış mövsümünün ən gözəl dırnaq boyaları
Hicablı makiyaj ustası
Bakıda yağış, bölgələrdə qar yağacaq
Murat Boz ayrılıq haqqında-FOTO
Frida Kahlonun 50 il bağlı olan qarderobundan
İncitək sözlər-1
Qəzaya uğrayan yadplanetli gəmisi tapıldı-FOTO
Zəka geriliyi
Bir az düşünək
Ayna, ayna, söylə, məndən gözəli varmı?
“Namizəd sırasına qadın əlavə edilməlidir ki, ATƏT-in xoşuna gəlsin?”
Arda Turan üçün nəhəng klublar növbəyə durdu
Xəzərdə dairəvi kruiz marşrutu yaradılacaq
Quzuqulağının (turşəngin) xeyri və zərəri
Vilayət Eyvazovdan yeni TƏYİNAT - ÖZƏL
İran parlamentinin 18 üzvü istefa verdi
Yazda bu ölkələrə gedin
Yaralıyam, dəymə…
Ləkə çıxararkən edilən 7 xəta
Qəribə trendlər
Beyin haqqında
Rafet El Romanın üzü görənləri təəccübləndirdi-FOTO
Xoşbəxt uşaq böyütməyin yolları
Facebook-da Like-ı "Hisslərini bölüşürəm" əvəzləyəcək?
Ayrılıq xəbərləri yalan çıxdı
Bəy və gəlin səsvermədə iştirak etdilər
Xəstəliyini Facebook vasitəsi ilə xəbər aldı, 4 həftə sonra öldü - FOTO
Ad günü keksi
Alla Puqaçovanın 28 milyonluq evi-FOTO
Ermənilər Azıx mağarasında qanunsuz arxeoloji qazıntı işləri aparıblar - RƏSMİ
Təhsil naziri vəzifəsini icra edən şəxsin adı açıqlandı
Məhəmməd Əlinin əlcəkləri satışa çıxarılır: ilkin qiymət 1 milyon olacaq
Əl yazısı sıradan çıxır?
Toyuqlu plov(foro resept)
Əkizlərin festival keçirildi-FOTO
Azərbaycanda koronaviruslu xəstə əhaliyə çağırış etdi - VİDEO
İnsanların rahatlığını təmin edən əşyalar
Rəsmi Bakıdan Yahoo-ya etiraz
Ağciyərləri təmizləyən ərzaqlar
Bala dadı-bal dadı
Məzəli,hərəkətli uşaq rəsimləri
LCD monitor və LCD TV necə təmizlənməlidir?
Yer yarıldı, avtomobillər yerə girdi
Televiziya aparıcılarının leksik norma səhvləri açıqlanıb – SİYAHI
Hava haqqında
HAVA necə olacaq?-10 FEVRAL
Qladiator Mercedes G-Wagon